Elverum

Elverum er ein tettstad og administrasjonssenteret i Elverum kommune i Innlandet. Tettstaden ligg ved Glåma, med Leiret på austsida og Vestad på vestsida av elva, og har 14 877 innbyggjarar per 1. januar 2017. Dei fleste sentrumsfunksjonane og størsteparten av busetnaden ligg på Leiret. Her ligg rådhuset og den kommunale administrasjoenn, og ein del offentlege kontor som har heile Østerdalen eller Sør-Østerdal som verkeområde. På vestsida av elva ligg mellom anna jarnbanestasjonen, Skyte- og Vinterskolen for Infanteriet (Terningmoen) og ein del industri. Norsk skogmuseum og Glomdalsmuseet ligg i Elverum.

Elverum
tettstad
Hovudgata i Elverum
Land	Noreg
Fylke	Innlandet
Kommune	Elverum
Areal	11,12 km²
Folketal	14 877 (2017)
Folketettleik	1 338 / km²
Postnummer	2406 Elverum
Innbyggjarnamn	elverumsing, elverumsokning, leirsing
Preposisjon	på Elverum
Elverum 60°52′0″ N 11°34′0″ E
Wikimedia Commons: Elverum (town)

Tettstaden Elverum voks opp under skansen i Christiansfjeld, som vart bygd i 1680-åra. Frå 1750 vart den kjende Grundsetmartn halden her, og med utbygging av kommunikasjonane i nyare tid har staden styrkt posisjonen som handels- og skulesentrum.

Kommunestyret vedtok bystatus for Elverum i 1996. Namnet «Leiret» kjem av 'Elverums leir', her i tydinga militær leirplass.

Sjå òg

• Elverum kommune
• Tettstader i Hedmark

Kjelder

• «Elverum» i Store norske leksikon, snl.no.

• «Elverum – tettsted» i Store norske leksikon, snl.no.

Bakgrunnsstoff

• Elverum Reiseliv Arkivert 2011-02-02 ved Wayback Machine.
• Nettsidene til Elverum kommune