Empire of the Clouds
| Empire of the Clouds Singel av Iron Maiden frå albumet The Book of Souls | ||
| Språk | engelsk | |
| Utgjeve | 16. april 2016 | |
| Innspelt | Guillaume Tell Studios, Paris in 2014 | |
| Sjanger | Heavy metal | |
| Lengd | 18:01 | |
| Selskap | Parlophone, BMG (US) | |
| Låtskrivar(ar) | Bruce Dickinson | |
|---|---|---|
| Produsent | Kevin Shirley | |
| Iron Maiden-kronologi | ||
| «Speed of Light» (2015) |
Empire of the Clouds |
|
«Empire of the Clouds» er ein song av det engelske heavy metal-bandet Iron Maiden frå det sekstande studioalbumet deira, The Book of Souls. Songen vart gjeven ut på singel 16. april 2016 i samband med Record Store Day.[1]
Bakgrunn, låtskriving og innspeling
endre«Empire of the Clouds» er 18 minuttar lang og den lengste songen Iron Maiden har spelt inn, fleire minuttar lengre enn «Rime of the Ancient Mariner» frå albumet Powerslave frå 1984.[2] Songen fortel soga om luftskipet R101, som styrta på jomfrureisa si nord i Frankrike den 5. oktober 1930.[3] Songen vart skriven av vokalisten i bandet, Bruce Dickinson, som først tenkte å skrive om tredekkarar frå fyrste verdskrigen, men vart tvungen til å endre dette etter å ha skrive teksten til «Death or Glory» (òg frå The Book of Souls) med same tema.[4] Då songen vart spelt inn las Dickinson «ein slags leksikalsk ulukkesrapport» om R101, kalla To Ride the Storm, og dette gav han ideen om songen, [4] i tillegg til dei første tekstlinjnene. Dickinson skildra det som «Ei særs gripande soge, særs human, ei soge om ambisjonar og draumar.»[5]
Dickinson skreiv songen under innspelinga av The Book of Souls' i Guillaume Tell Studios i Paris.[6] I følgje ein av gitaristane i bandet, Adrian Smith, arbeidde Dickinson «aleine på songen i kring ein månad» i eit lydtett rom.[7] Dickinson spelar piano på songen for første gong, og skreiv songen på flygelet i studioet,[8] men nytta eit anna klaverinstrument på sjølve innspelinga, slik at det vart lettare å redigerte bort feil han spelte.[3][4]
I følgje Smith var det ei utfordring for resten av bandet, sidan dei måtte spele i lag med pianoet til Dickinson, medan han og produsenten Kevin Shirley gav instruksjonar.[6] I tillegg til bandet vart det lagt ekstra orkester på songen etterpå,[7] emdan Nicko McBrain eksperimenterte med forskjellige perkusjonsinstrument, som ein gong spelt med boge, for å gjenskape styrten til luftskipet.[4]
Den 11. mars 2016 annonserte bandet at songen skulle gjevast ut på 12" biletplate for Record Store Day i eit avgrensa sal på 5 500 eksemplar. Singelomslaget nytta biletframsida til Daily Mirror fr 6. oktober 1930.[9] B-sida til singelen var eit intervju med Dickinson og McBrain, kalla «Maiden Voyage», der dei fortel om korleis songen var til.[10]
Mottaking
endreSongen vart kritikarrost då han kom ut på albumet. PopMatters kalla han eit «meisterverk» og «minst like trollbindande som 'Rime of the Ancient Mariner' frå 1984 [frå Powerslave]»,[11] medan AllMusic skildra han som «ein heavy metal-suite, ulikt alt anna i katalogen deira».[12] Blabbermouth.net og NME var ikkje samde om at han var like bra som «Rime of the Ancient Mariner», men Blabbermouth sa «han er verdt kvart minutt som ei filmaktig innkapsling av karrieren til bandet»,[13] og NME kalla han «the pièce-de-résistance».[14] Han fekk òg positiv omtale av Classic Rock, som kalla han «ein makelaus song»,[15] medan Billboard kalla han «eit høgdepunkt».[16] Sputnikmusic meinte han var «ei stor betring» som avslutningsspor i forhold til dei to førre albuma deira og kalla han «intellektuell og stemningsfull».[17] The Guardian meinte at det var usannsynleg at fansen som best likte dei gamle songane til bandet ikkje kom til å like han.[18]
Innhald
endre- «Empire of the Clouds» (Bruce Dickinson) – 18:01
- «Maiden Voyage» (Dickinson, Nicko McBrain) – 21.07
Medverkande
endreProduction credits are adapted from the biletplate cover.[19]
- Iron Maiden
- Bruce Dickinson – solovokal, piano
- Dave Murray – gitar
- Adrian Smith – gitar
- Janick Gers – gitar
- Steve Harris – bassgitar, medprodusent
- Nicko McBrain – trommer
- Produksjon
- Kevin Shirley – produsent, miksing
- Ade Emsley – mastering
- Paul Anthony – produsent, miksing («Maiden Voyage»)
- Tony Newton – mastering («Maiden Voyage»)
- Hervé Monjeaud – plateomslag
Kjelder
endre- Denne artikkelen bygger på «Empire of the Clouds» frå Wikipedia på engelsk, den 7. september 2016.
- ↑ DiVita, Joe (8 March 2016). «2016 Record Store Day: Guide to Rock + Metal Read More: 2016 Record Store Day: Guide to Rock + Metal». Loudwire. Henta 7. september 2016.
- ↑ Grow, Kory (18. juni 2015). «Iron Maiden Announce New Double Album The Book of Souls». Rolling Stone. Arkivert frå originalen 15. juni 2018. Henta 18. juni 2015.
- ↑ 3,0 3,1 Lombardelli, Tiphaine (7. september 2016). «Bruce Dickinson (Iron Maiden) : la générosité dans l’âme». Radiometal.com (på fransk). Henta 7. september 2016.
- ↑ 4,0 4,1 4,2 4,3 Ives, Brian (17. september 2016). «Bruce Dickinson Talks Iron Maiden’s 18 Minute Epic ‘Empire of the Clouds’». Radio.com. Henta 7. september 2016.
- ↑ Henne, Bruce (7. september 2016). «Iron Maiden prepare epic Record Store Day release». Metal Hammer. Henta 7. september 2016.
- ↑ 6,0 6,1 Sword, Harry (7. september 2016). «Death Or Glory: Iron Maiden Interviewed». The Quietus. Henta 7. september 2016.
- ↑ 7,0 7,1 Laing, Rob (14 August 2015). «Interview: Iron Maiden's Adrian Smith and Dave Murray on The Book Of Souls». MusicRadar. Arkivert frå originalen 15. september 2016. Henta 17 August 2015.
- ↑ McCabe, Kathy (2. september 2015). «Iron Maiden frontman Bruce Dickinson feared he would beat cancer but lose his voice». News.com.au. Henta 7. september 2016.
- ↑ «Iron Maiden Contribute Historic Package For 2016 Record Store Day». BraveWords.com. 7. september 2016. Henta 7. september 2016.
- ↑ «Iron Maiden reveal full details of Record Store Day release». Planet Rock. 15 April 2016. Henta 7. september 2016.
- ↑ http://www.popmatters.com/review/196855-iron-maiden-the-book-of-souls/
- ↑ http://www.allmusic.com/album/the-book-of-souls-mw0002855793
- ↑ http://www.blabbermouth.net/cdreviews/the-book-of-souls/
- ↑ http://www.nme.com/reviews/iron-maiden/16242
- ↑ http://classicrock.teamrock.com/reviews/2015-08-11/iron-maiden-the-book-of-souls-review
- ↑ http://www.billboard.com/iron-maiden-the-book-of-souls-album-review
- ↑ http://www.sputnikmusic.com/review/68459/Iron-Maiden-The-Book-of-Souls/
- ↑ http://www.theguardian.com/music/2015/sep/03/iron-maiden-the-book-of-souls-raw-and-punchy
- ↑ «Empire of the Clouds» Biletdisk Single. Iron Maiden. Parlophone. 16. april 2016.