Enalapril

Enalapril
CAS-nummer 75847-73-3	ATC-nummer C09A A02
Metabolisme	I levra til enalaprilat
Halveringstid	Ca. 11 timar
Utskiljing	Renal som enalapril og enalaprilat
Administrasjonsform	Per oral

Enalapril er først og fremst eit blodtrykksminskande lækjemiddel, men vert òg nytta ved hjarte-pumpe-svikt.

Enalapril høyrer til ei gruppe lækjemiddel som vert kalla ACE-hemmarar. Desse lækjemidla hemmar omgjeringsenzymet angiotensin converting enzyme frå å gjera om angiotensin I til angiotensin II. Dette fører til lågare nivå av angiotensin II i blodet, eit stoff som blant anna får årene til å trekkja seg i hop og dermed gje pasienten eit auka blodtrykk.

Biverknadar

ACE-hemmarar gjev ofte pasientar ei irriterande, tørr hoste. I tillegg til kan ein få for lågt blodtrykk, ein biverknad som er direkte knytt til den ønskte verknaden til emnet.

Kontraindikasjonar

Enalapril bør ikkje nyttast for gravide. Ein bør og vera svært varsam med å nytta ACE-hemmarar hjå pasientar med nyrearteriestenose.

Administrasjon

Enalapril vert vanlegvis administrert i tablettform. For betra effekt, kan det òg gjevast i lag med hydroklortiazid, eit vassdrivande lækjemiddel.

Marknadsføringsløyve i Noreg

• Aceren, Nycomed Pharma AS
• Ednyt, Medimpex France SA
• Enalapril, Gevita AS
• Enalapril, Alpharma AS
• Enalapril, Durascan Medical Products A/S
• Enalapril, NM Pharma AS
• Enalapril Actavis, Actavis Nordic A/S
• Enalapril Alternova, Alternova AS
• Enalapril HEXAL, HEXAL A/S
• Enalapril Ranbaxy, Ranbaxy (UK) Ltd.
• Enalapril Ratiopharm, Ratiopharm GmbH
• Enalapril Sandoz, Sandoz GmbH
• Enalapril Stada, Stada Arzneimittel AG
• Linatil, A/S Gea Farmaceutisk Fabrik
• Renitec, Merck Sharp & Dohme B.V.

Bakgrunnsstoff

• Preparatomtaler Arkivert 2007-11-10 ved Wayback Machine. - Statens lækjemiddelverk
• Felleskatalogen - Felleskatalog over farmasøytiske spesialpreparat marknadsført i Noreg