Eric Frenzel
Eric Frenzel (fødd 21. november 1988) er ein tysk kombinertløpar frå Annaberg-Buchholz i Sachsen. Han vart verdsmeister i kombinert både i 2011 (N+10) og i 2013 (S+10). Under vinter-OL 2014 i Sotsji vann han OL-gull i N+10-tvelinga. Frenzel har også vunne ein individuell bronsemedalje, samt tre sølvmedaljar og to bronsemedaljar i ulike lagtevlingar i dei internasjonale meisterskapane i tida 2009-13. I 2013 vann han verdscupen i kombinert og sikra seg dermed FIS-pokalen i idrettsgreina.
| Eric Frenzel | |
|
| |
| Statsborgarskap | Tyskland, Den tyske demokratiske republikken |
| Fødd | 21. november 1988 (35 år) Annaberg-Buchholz |
| Idrett | kombinert, skihopping |
| Tok del i | Vinter-OL 2010, Vinter-OL 2010, Vinter-OL 2010, Vinter-OL 2014, Vinter-OL 2014, Vinter-OL 2014, Vinter-OL 2018, Vinter-OL 2018, Vinter-OL 2018, Vinter-OL 2022 |
| Utmerkingar | Holmenkollmedaljen, Champion des Jahres, Silbernes Lorbeerblatt, Ehrenkreuz der Bundeswehr in Bronze für treue Pflichterfüllung und über- durchschnittliche Leistungen, Den bayerske fortjenstorden, Bayerischer Sportpreis, Sparkassenpreis für Vorbilder im Sport |
Aktiv
endreFrenzel vart juniorverdsmeister i kombinert-sprint i 2007. Same sesongen deltok han også i verdsmeisterskapen på ski i Sapporo, men utan å gjere seg gjeldande. I januar 2008 lukkast han å vinne eit verdscuprenn i Klingenthal, og hevda seg elles godt i fleire tevlingar, slik at han kom på sjuandeplass i kampen om FIS-pokalen i kombinert. Han deltok i alle de fire kombinert-øvingane under ski-VM 2009 i Liberec. Her fekk han seg ein sølvmedalje med Tyskland sitt firemannslag i lagtevlinga og vart som best nummer åtte i dei individuelle renna.
I 2010-sesongen etablerte Frenzel seg i verdstoppen i kombinert. Han vann eit verdscuprenn i Seefeld i slutten av januar månad, og han fekk med seg ein bronsemedalje frå lagtevlinga under vinter-OL i Vancouver, individuelt vart han som best nummer ti i olympiaden. Både i 2010-sesongen og 2011-sesongen hamna han på fjerdeplass i verdscupen i kombinert. Frenzel lukkast overmåte godt under VM på ski 2011, då han tok medalje i alle dei fire øvingane som vart avvikla. Individuelt vann han ein gullmedalje då det var hoppa i normalbakken, og ein bronsemedalje då det vart hoppa i storbakken, i begge tevlingane gjekk deltakarane 10 km. Under meisterskapen vart det også arrangert to lagtevlingar, der Tyskland og Frenzel måtte nøye seg med sølvmedaljar, slått av Austerrike i begge tevlingane.
Frenzel var verdas beste kombinertløpar i 2013-sesongen, og vann FIS-pokalen ganske klart. I januar månad vann han fire strake sigrar i verdscupen, og plussa på med to nye sigrar i mars. Mellomtida nytta Frenzel til å verte verdsmeister under ski-VM 2013 i Val di Fiemme, i tevlinga der det vart hoppa i storbakken. Etter å ha sett bakkerekord med 138,5 meter i hoppdelen av øvinga, gjennomførte han langrennet i einsam majestet. I den nye øvinga med veksel-stafett sikra Frenzel seg ein bronsemedalje, saman med Tino Edelmann.
Verdscupsigrar
endre| Nr. | Dato | Stad | Land |
|---|---|---|---|
| 1. | 20. januar 2008 | Klingenthal |  Tyskland
|
| 2. | 30. januar 2010 | Seefeld |  Austerrike
|
| 3. | 4. desember 2011 | Lillehammer |  Noreg
|
| 4. | 19. januar 2013 | Seefeld in Tirol | Austerrike
|
| 5 | 20. januar 2013 | Seefeld in Tirol | Austerrike
|
| 6. | 26. januar 2013 | Klingenthal | Tyskland
|
| 7. | 27. januar 2013 | Klingenthal | Tyskland
|
| 8. | 8. mars 2013 | Lahti |  Finland
|
| 9. | 15. mars 2013 | Oslo | Noreg
|
Kjelder
endre- Denne artikkelen bygger på «Eric Frenzel» frå Wikipedia på tysk, den 22. mars 2013.
- (en) Eric Frenzel – Profil og resultatoversikt hos FIS (Kombinert)
- (en) Eric Frenzel – Profil og resultatoversikt hos FIS (Skihopping)
Bakgrunnsstoff
endre- (en) Eric Frenzel – Profil og resultatoversikt i olympiske konkurransar på sports-reference.com.