Erling Steinvegg

Erling Magnusson Steinvegg var baglarane sin kandidat til å vera norsk konge. Han var baglarkonge i tida frå 1204 til 1207. Etter deira meining var han son av kong Magnus V Erlingsson. Baglarane fekk stønad av danskekongen Valdemar II Sejr. Kong Valdemar møtte i Tunsberg med stor krigsflåte. Erling Steinvegg bar jernbyrd for å visa at han var av kongeleg ætt. Baglarane sette seg i Vika kring Oslo, og gjorde hærtog opp mot Nidaros. Erling Steinvegg døydde i mars 1207, og Filippus Simonsson fekk rolla som nytt kongsemne for baglarane.

Erling Steinvegg
Fødd	12. hundreåret
Død	1207
Barn	Sigurd Ribbung

I borgarkrigstida var det vanleg at fleire kongssøner kjempa mot kvarande om makta i Noreg.

Sigurd Ribbung, som Ribbungane hadde som kongsemne, var rekna som son av Erling Steinvegg.