Felleskjøpet

Felleskjøpet er ei gruppe av uavhengige, kooperative selskap eigd av medlemene i det geografiske nedslagsfeltet sitt. Felleskjøpa er den viktigaste leverandøren av driftsmiddel til det norske landbruket, og er i tillegg den største kjøparen av norskprodusert korn. Samvirkelaget vart skipa på bakgrunn av idéen om at felles innkjøp gav betre innkjøp.

Felleskjøpet
Org.form	Samvirkelag
Bransje	Detaljhandel, jordbruk
Skipa	5. februar 1896
Hovudkontor	Oslo
Land	Noreg
Nettstad	https://felleskjopet.no (bokmål)

Føremål

Felleskjøpet skal bidra til å betra økonomien i medlemmene på kort og lang sikt, gjennom innkjøp, foredling, sal og distribusjon av driftsmiddel, forbruksartiklar og tenester til landbruket.

Felleskjøpet består av to uavhengige, bondeeigde selskap som opererer i to geografiske område. Selskapa er organiserte etter samvirkeprinsippa. I 2022 var det samla talet på medlemer 41 000. Dei viktigaste produktområda til felleskjøpa er kraftfôr, korn, gjødsel, såvarer, maskinvarer, forbruksartiklar til landbruket og fagleg kompetanse.

Felleskjøpa har til saman 4 107 tilsette fordelt på 231 butikkar og omtrent 50 kornmottak spreidd over heile landet. Samla omsetnad i for Felleskjøpet Agri er på 18,7 milliardar kroner.

Regionale selskap

Felleskjøpet består av to uavhengige, bondeeigde selskap i to geografiske område:

• Felleskjøpet Agri
• Felleskjøpet Rogaland Agder
  • BondeKompaniet (systerselskap)

Soge

Samarbeid gjennom samvirke

Frå midten av 1800-talet var det eit sterkt aukande behov for innkjøp av driftsmiddel som gjødsel, foredla såfrø, kraftfôr, industriproduserte maskinar til landbruket. Inspirert av idéar om samarbeid gjennom samvirke vart forløparane til dagens felleskjøp som vart stifta 5. februar 1896.

Felleskjøpa er som samvirkeorganisasjonar eigd av medlemene, i dette tilfelle bøndene. Det er medlemene som er brukarar, og felleskjøpa har som formål å gjeva størst mogleg nytte til medlemene. Felleskjøpa er medlemer i Norsk Landbrukssamvirke, ein interesseorganisasjon for 13 landsomfattande samvirkeorganisasjonar – mellom anna TINE og Nortura.

Norske Felleskjøp (NFK)

Norske Felleskjøp vart vedteke avvikla frå den 1. januar 2021, og verksemda vart overført til Felleskjøpet Agri SA.

Felleskjøpet Fôrutvikling (FKF)

Felleskjøpet Fôrutvikling er samvirkelaget sitt eige selskap for forsking og utvikling av fôrmiddel til husdyr. Selskapet vart oppretta i 1992, og er lokalisert i Trondheim.

Kjelder

• Denne artikkelen bygger på «Felleskjøpet» frå Wikipedia på bokmål, den 19. desember 2022.

Bakgrunnsstoff

• (no) Felleskjøpet Agri SA
• (no) Felleskjøpet Rogaland Agder SA
• (no) BondeKompaniet