Fredric Holen Bjørdal
Fredric Holen Bjørdal (fødd 9. mars 1990) er ein politikar for Arbeidarpartiet, fødd og oppvaksen i Ørsta. Han er stortingsrepresentant frå Møre og Romsdal sidan 2013.
| Fredric Holen Bjørdal | |||
 | |||
| Fødd | 9. mars 1990 (34 år) Volda kommune | ||
|---|---|---|---|
| Statsborgar av | Noreg | ||
| Parti | Arbeidarpartiet | ||
| Yrke | Politikar og jurist | ||
| Alle verv |
| ||
Bjørdal har studert psykologi både ved NTNU i Trondheim og ved Universitetet i Oslo. I tillegg har han studert planlegging og administrasjon ved Høgskulen i Volda. Han arbeidde som miljøterapeut i BUFetat region Midt-Norge fram til han vart vald inn på Stortinget. Tidlegare har han vore miljøarbeider i Ørsta kommune og i Trondheim kommune.
Bjørdal var leiar av AUF i Møre og Romsdal 2009-10, og deretter sentralstyremedlem i AUF dei to neste åra. Den 22. juli 2011 var han til stades på Utøya i Tyrifjorden då Anders Behring Breivik drap 68 personar.
Under nominasjonen til Møre og Romsdal Arbeidarparti vinteren 2012 fekk han andreplassen på stortingslista, og var dermed rimeleg trygg på å verte vald inn på Tinget. I stortingsperioden 2013-17 var han den yngste stortingsrepresentanten. Han er den fyrste frå Ørsta kommune som har teke sete på Stortinget sidan Peter Kjeldseth Moe slutta si stortingsgjerning i 1973.
Bjørdal er son til ein industriarbeidar.
Bjørdal var medlem av arbeids- og sosialkomiteen frå 2013-2017, og finanskomiteen frå 2017-2021. Han var òg medlem av Arbeidarpartiet sitt gruppestyre og arbeidsutval.[1] I august 2020 varsla han at han ikkje ville stille til attval til Stortinget for ein ny valperiode.[2]
Frå hausten 2021 er Bjørdal advokatfullmektig i Advokatfirmaet Øverbø Gjørtz AS, med kontor i Ålesund og Ørsta.[3]
Kjelder
endre- ↑ «Biografi: Bjørdal, Fredric Holen», Stortinget (på norsk), 9. mars 2008, henta 21. oktober 2021
- ↑ Strand, Geir (24. august 2020), «(+) Aps Fredric Holen Bjørdal trekker seg fra politikken», smp.no, henta 21. oktober 2021
- ↑ «Bytter ut Løvebakken med Ålesund og Ørsta: – Et naturlig valg for meg», advokatwatch.no (på norsk), 21. oktober 2021, henta 21. oktober 2021
- Denne artikkelen bygger på «Fredric Holen Bjørdal» frå Wikipedia på bokmål, den 13. oktober 2013.