Frithjof Prydz
Frithjof Prydz (15. juli 1943–8. desember 1992) var ein norsk skihoppar og tennisspelar frå Oslo. Han vart individuell noregsmeister i skihopping to gongar, og i tennis tre gongar.
| Frithjof Prydz | |
| Statsborgarskap | Noreg |
| Fødd | 15. juli 1943 Oslo |
| Død |
8. desember 1992 (49 år) |
| Yrke | tennisspelar, skihoppar |
Skihopp
endreSkihopparen Prydz slo gjennom då han i 1968 i Løklibakken i Ørskog vart nummer fire i noregsmeisterskapen i normal bakke. I NM-renna for 1971 vart han nummer to i normalbakken og tre i den store bakken. Same sesongen tok han sin einaste internasjonale siger då han vann hopprennet i Lahti. I 1972 tok han sin første NM-tittel med gull i storbakken, Ingolf Mork og Bjørn Wirkola kom på dei andre medaljeplassane. I 1973-sesongen delte han gullmedaljen med Lars Grini i normalbakkerennet, medan det vart bronse i storbakken. Prydz tok si siste NM-medalje i 1975, eit sølv i storbakken, bak Odd Grette, men føre den nye NM-kongen Johan Sætre. Prydz tevla for osloklubben Ready.
Besteplasseringar i internasjonale meisterskap og renn
endre- 1970: Nr 6 i Holmenkollen
- 1971: Siger i Lahti
- 1972: Nr 8 i Lahti
- 1972/73: Nr 15 i Oberstdorf
- 1975: Nr 4 i Holmenkollen
Medaljar og besteplasseringar i noregsmeisterskap
endre- Ski-NM 1968: Nr 4 i normalbakken i Ørskog
- Ski-NM 1970: Nr 8 i storbakken i Meldal
- Ski-NM 1971: Sølvmedalje i normalbakken i Rælingen, og bronsemedalje i storbakken i Bærum
- Ski-NM 1972: Gullmedalje i storbakken i Trondheim
- Ski-NM 1973: Gullmedalje i normalbakken i Vang og bronsemedalje i storbakken på Lillehammer
- Ski-NM 1974: Nr 8 i storbakken i Meldal
- Ski-NM 1975: Sølvmedalje i storbakken i Bærum
Tennis
endrePrydz fekk med seg 21 NM-titlar i tennis,[1] og spela 15 Davis Cup-kampar (4 sigrar og 11 tap).[2]
- Utandørs:
- Menn single: 1968
- Menn double: 1969, 1973, 1974
- Mixed double: 1970-1972, 1974, 1976, 1977, 1979
- Innandørs:
- Menn single: 1979, 1980
- Mixed double: 1968, 1976, 1977, 1979, 1980, 1985
- Ellen Grindvold frå Oslo Tennisklubb var Prydz sin makker i mixed double.
For sine prestasjonar som skihoppar og tennisspelar mottok Frithjof Prydz Egebergs Ærespris i 1971.
Kjelder
endre- Sportsboken, aktuelle årgangar
- Bokmålswikipedia
- Notar
- ↑ Norges Tennisforbund. «Oversikt over NM vinnere». tennis.no. Arkivert frå originalen 12. mars 2008. Henta 10. juli 2007.
- ↑ Davis Cup. «Player search - Frithjof PRYDZ». daviscup.no. Henta 10. juli 2007.