Funksjonshemming

Funksjonshemming, funksjonsnedsetting eller handikap viser til ulike former for nedsett arbeids- eller funksjonsevne på grunn av psykiske, fysiske eller sosiale årsaker hos eit individ eller i omgjevnadene. Funksjonshemmingar kan vera lett synlege, som når ein kan sjå at ein lem manglar eller manglar funksjon, men mange er vanskelege å merka, til dømes når det gjeld astma, dysleksi og mange psykiske lidingar.

Stolt – sterk – synleg; frå Stolthetsparaden 2008 i Oslo

Krøplingane måla av Pieter Bruegel den eldre. Funksjonshemmingar kan vera svært synlege, men mange er meir skjulte.

Tilrettelegging som heisar og ramper for rullestolbrukarar og bakkemønster for synshemma kan gjera det lettare for funksjonshemma å delta i samfunnet.

Funksjonshemmingar er også avhengige av situasjon. Lese- og skrivevanskar er ikkje synlege der ein ikkje bruker skrift. Blinde kan snakka på telefon utan at ein merkar at dei er blinde. Om nokon ikkje kan gå treng dei ikkje ha problem når dei sit eller køyrer. Behandling av funksjonshemming kan dermed føregå på to måtar: Ein kan prøva forbetra evnene dei funksjonshemma manglar gjennom hjelpemiddel eller terapi (til dømes briller, høyreapparat eller proteser), eller å gjera eit samfunn meir tilpassa ulike funksjonshemmingar, til dømes gjennom universell utforming.

Typar

Ein kan dela inn funksjonshemmingar på ulike måtar. Ein vanleg måte er denne:

• rørslehemming
• dysleksi
• hørselshemming
• psykisk funksjonshemming
• skjult funksjonshemming (t.d. astma, allergi, diabetes, epilepsi)
• synshemming

Kjelder

• Denne artikkelen bygger på «Funksjonshemning» frå Wikipedia på bokmål, den 1. oktober 2010.

• Fra bruker til borger. NOU 2001: 22 ved regjeringen.no
• Om funksjonshemmig Arkivert 2010-11-24 ved Wayback Machine. ved HiO

Bakgrunnsstoff

• Funksjonshemming Arkivert 2011-05-17 ved Wayback Machine. ved forskning.no
• Disapedia Wiki for funksjonshemma Arkivert 2010-07-01 ved Wayback Machine.

Organisasjonar

• Funksjonshemmedes Fellesorganisasjon
• Unge funksjonshemmede
• Norges Handikapforbund
• Ryggforeningen i Norge
• Handicapsiden.no Portal for handikappede og funksjonhemmede og for folk flest
• Frambu-Senter for sjeldne funksjonshemninger
• Folk med funksjonshemninger, EU-OSHA
• Integrering og rehabilitering av folk med funksjonshemninger Arkivert 2007-12-17 ved Wayback Machine., EU-OSHA
• Disability Help Site
• Arbeids- og velferdsforvaltningen - NAV