Günther Mader
Günther Mader (fødd 24. juni 1964) er ein austerriksk tidlegare alpin skirennar frå Matrei am Brenner i Tirol som vart nummer to i verdscupen i alpine greiner både i 1995 og 1996. I tida 1987-97 sikra han seg seks VM-medaljar og ein OL-medalje; seks i bronse og ein i sølv.
| Günther Mader | |
|
| |
| Statsborgarskap | Austerrike |
| Fødd | 24. juni 1964 (60 år) Matrei am Brenner |
| Idrett | alpint |
| Tok del i | Vinter-OL 1994, Vinter-OL 1998, Vinter-OL 1988, alpine skiing at the 1992 Winter Olympics – men's downhill |
| Utmerkingar | ærestegn i sølv av Ærestegnet for fortjenester |
Aktiv
endreGjennom tolv sesongar, 1986 til 1997, vann Mader 14 renn i verdscupen. Han vann, som ein av få utøvarar, verdscuptevlingar i alle fem øvingane. Flest sigrar tok han, seks i talet, i super-G. Men det var FIS-pokalen 1990 i storslalåm og ein kombinasjonspokal han opplevde som sine største triumfar.
Mader vann sølvmedaljen i slalåm ved VM i alpine greiner 1987 i Crans-Montana, einast Frank Wörndl frå Vest-Tyskland rann fortare. I same meisterskapen tok Mader den fyrste av tre strake VM-bronsar i kombinasjon, den fjerde kom i VM 1996. Tidlegare hadde han vunne bronsemedaljen i utfor under Vinter-OL 1992 i Albertville, og seinare tok han ein bronsemedalje også i super-G, då i VM i alpine greiner 1997.
Straks etter sesongslutt våren 1998 vart Mader råka av eit hjerneslag. Etter langvarig opptrening tok han seg arbeid for eit skiutstyrsfirma.
Kjelder
endre- Denne artikkelen bygger på «Günther Mader» frå Wikipedia på tysk, den 14. januar 2015.
Bakgrunnsstoff
endre- (en) Günther Mader – Profil og resultatoversikt hos FIS
- «Günther Mader» (på engelsk). olympedia.org. Henta 25. januar 2023.