Gamle Fylkesveg 152 i Sogn og Fjordane

Sjå òg fylkesveg 152 (fleirtyding).

Fylkesveg 152 i Sogn og Fjordane gjekk opphaveleg mellom Fjærland ferjekai og Distad i Sogndal kommune, og mellom Menes og Ulvastad kai i gamle Balestrand kommune. Frå Fjærland ferjekai gjekk Riksveg 625 til Skei i Jølster. Då nye Riksveg 5 mellom Bøyaøyri i Fjærland og Sogndalsfjøra opna i 1994 vart bortimot heile Riksveg 625 lemma inn som del av Riksveg 5, bortsett frå stubben mellom Bøyaøyri og Fjærland ferjekai. Denne vart del av Fylkesveg 152.

I 2019 vart det gjort endringar i fylkesvegnettet, og dei to traseane til gamle Fylkesveg 152 i Sogn og Fjordane vart utskilde til nye fylkesvegar:

• Bøyaøyri – Distad (6,3 km), no Fylkesveg 5617
• Menes – Ulvastad kai 5,5 km, no Fylkesveg 5606

Kommunar og knutepunkt

Sogndal

• Bøyaøyri
• Norsk Bremuseum
• Mundal
• Fjærland ferjekai
  • → Balestrand-Hella-Fjærland
• Kommunal veg frå Distad til Raudboti (6,6 km)

---

Mellom Raudboti og Menes er vegen ikkje bygd

---

Balestrand

• Endepunkt Menes
• Kommunal veg frå Ulvastad kai til Nedrebø (0,7 km)