Georgij Malenkov

russisk politikar

Georgij Maksimilianovitsj Malenkov (8. januar 190214. januar 1988) var ein sovjetisk politikar. Han gjekk inn i Den raude armeen under borgarkrigen i 1919. Han melde seg så inn i kommunistpartiet i 1920, steig snøgt i gradene, og vart ein av Josef Stalins nærmaste medarbeidarar. Under krigen var han ein del av forsvarskomiteen, som leidde Sovjetunionens krig mot Nazi-Tyskland. Etter krigen var han visestatsminister i perioden 19461953. Stutt tid etter at Stalin døydde i 1953, vart han statsminister og generalsekretær i kommunistpariet, men måtte gje frå seg stillinga som generalsekretær til Nikita Khrusjtsjov i september same året. Grunnen til dette var, attåt ein maktkamp med rivalar i partiet, at han offentleg tok til orde for ein meir restriktiv atomvåpenpolitikk.[1] I 1955 vart han også tvungen til å gå av som statsminister. I 1957 deltok han i eit mislukka forsøk på å organisere ein opposisjon mot Khrusjtsjov, og mista derfor alle tillitsverv i partiet og staten. Dei siste snaue tretti åra av livet sitt var han leiar av eit vasskraftverk i Kasakhstan.

Georgij Malenkov

Fødd8. januar 1902
Orenburg
Død14. januar 1988 (86 år)
Statsborgar avDet russiske imperiet, Sovjetunionen
PartiSovjetunionens kommunistiske parti (1920)
Yrkepolitikar
Utdanna vedBauman Moscow State Technical University
EktefelleValeriya Alekseyevna Golubtsova
MedlemPolitbyrået i Sovjetunionen
Alle verv
  • Chairman of the Council of Ministers of the USSR (1953–1955)
  • Medlem av Sobjetubionens Øverste sovjets presidium (1938–Ukjent)
  • medlem av Sovjetunionens øverste sovjet (1938–1946)
  • medlem av Sovjetunionens øverste sovjet (1946–1950)
  • medlem av Sovjetunionens øverste sovjet (1950–1954)
  • medlem av Sovjetunionens øverste sovjet (1954–1958) Sjå dette på Wikidata

Kjelder endre

Fotnotar endre

  1. Pelle Stampe (2009). «Sovjetunionens røde tsarer». Illustrert Vitenskap Historie (11): 72-73. ISSN 0806-6914.