Glad All Over
| Glad All Over Singel av The Dave Clark Five frå albumet Glad All Over | ||
| B-side |
«I Know You» | |
|---|---|---|
| Språk | engelsk | |
| Utgjeve | 15. november 1963 (Storbritannia); 27. desember 1963 (USA) | |
| Innspelt | 1963 | |
| Sjanger | Rock | |
| Lengd | 2:41 | |
| Selskap | Columbia DB 7154 (Storbritannia)[1] Epic 9656 (USA) | |
| Komponist | Dave Clark, Mike Smith | |
| Tekstforfattar | Dave Clark, Mike Smith | |
| Låtskrivar(ar) | Dave Clark, Mike Smith[1] | |
| Produsent | Dave Clark[1] | |
| The Dave Clark Five-kronologi | ||
| «Do You Love Me» (1963) |
Glad All Over | «Bits and Pieces» (1964)
|
«Glad All Over» er ein song skriven av Dave Clark og Mike Smith og spelt inn av The Dave Clark Five.[1] I januar 1964 vart han den første store hitten deira i Storbritannia og nådde toppen av UK Singles Chart. I april 1964 nådde han sjetteplassen på den amerikanske US Billboard Hot 100-lista, og vart den første gruppa i den britiske bølgja etter The Beatles som fekk ein hit i USA. Songen gjekk òg til topps i Irland, nr. 3 i Australia[2] og nr. 2 i Canada.[2] Han nådde fjerdeplassen i Nederland[3] og 16. plassen i Tyskland.[4] «Glad All Over» var den nest mestseljande singelen i Storbritannia i 1964 etter «Can't Buy Me Love» av The Beatles,[5] og selde nok i november og desember 1963 til å bli den 58. mestseljande singelen i 1963.[6] Totalt sett hadde «Glad All Over» seld over ein million eksemplar berre i Storbritannia.
I 1993 vart «Glad All Over» gjeven ut på ny som singel i Storbritannia og nådde då 37. plassen på UK Singles Chart.
I fotball og rugby
endreCrystal Palace Football Club starta å bruke songen som hymne i 1960-åra. Han vert spelt i starten av alle heimekampane deira og etter kampen er over (om Palace har vunne). Refrenget vert ofte spelt etter heimelaget har scora mål. Den 10. februar 1968 spelte The Dave Clark Five «Glad All Over» live på Selhurst Park, heimebanen til Crystal Palace. Ein versjon sungen av laget på den tida vart gjeven ut i 1990.[7]
Blackpool har òg nytta «Glad All Over» på liknande vis. Andre engelske fotballaget som brukar songen er Rotherham United, Port Vale, Swindon Town og Yeovil Town. Songen er òg blitt brukt av dei skotske laga Partick Thistle og Dunfermline Athletic F.C. når dei scorar mål.[8]
Den walisiske rugbyklubben Pontypridd byrja å bruke songen i 2004 når laget tok poeng. Andre rugbylag gjer det same.
Andre versjonar
endreSongen vart gjeven ut på singel av det australske bandet Hush i 1975 og denne nådde åttandeplassen på den australske singellista. Songen kom òg ut på albumet Rough Tough 'N' Ready.
Songen vart spelt av The Rezillos på debutalbumet deira Can't Stand the Rezillos.
Quiet Riot spelte inn songen på debutalbumet deira i 1978.
Suzi Quatro spelte inn ein versjon på Rock Hard i 1980.[9]
Donnie Iris and the Cruisers spelte «Glad All Over» i 1982 på albumet The High and the Mighty.
Pet Shop Boys spelte inn songen som B-side til singelen «Together» i 2010.
Kjelder
endre- Denne artikkelen bygger på «Glad All Over» frå Wikipedia på engelsk, den 29. april 2018.
- Wikipedia på engelsk oppgav desse kjeldene:
- ↑ 1,0 1,1 1,2 1,3 Rice, Jo (1982). The Guinness Book of 500 Number One Hits (1st utg.). Enfield, Middlesex: Guinness Superlatives Ltd. s. 74–5. ISBN 0-85112-250-7.
- ↑ 2,0 2,1 «DC5 Worldwide Discography». Thedc5.com. Arkivert frå originalen 9. desember 2013. Henta 5. april 2014.
- ↑ «1964». Arkivert frå originalen 6. februar 2010.
- ↑ «Jahreshitparade Deutschland 1964». Killersoft.at. Henta 5. april 2014.
- ↑ «The 100 Best-Selling Singles of 1964». Henta 16. januar 2015.
- ↑ «The 100 Best-Selling Singles of 1963». Henta 15. juni 2015.
- ↑ «Crystal Palace are Glad All Over to have gold disc». Croydon Advertiser. 25. november 2013. Arkivert frå originalen 6. januar 2014. Henta 5. april 2014.
- ↑ «Songs Of The Stands: Crystal Palace F.C. - «Glad All Over»». Songsofthestands.blogspot.co.uk. 23. april 2013. Henta 5. april 2014.
- ↑ Strong, Martin C. (2000). The Great Rock Discography (5th utg.). Edinburgh: Mojo Books. s. 785–6. ISBN 1-84195-017-3.