Gordon Haskell
Gordon Haskell (fødd 27. april 1946) er ein engelsk vokalist, låtskrivar og bassist. Han vart først kjend som medlem i det britiske bandet Les Fleur de Lys. Han song på ein av songane på det andre albumet til King Crimson, og spelte bass og song på det tredje albumet deira. Etter han forlet King Crimson heldt han fram musikkarrieren som solomusikar og vart internasjonalt kjend i 2001 med hitsongen «How Wonderful You Are».
| Gordon Haskell | |||
 | |||
| Fødd | 27. april 1946 (78 år) | ||
|---|---|---|---|
| Fødestad | Bournemouth | ||
| Fødenamn | Gordon Hionides | ||
| Opphav | Verwood i Wimborne i Dorset i England | ||
| Aktiv | 1965 til i dag | ||
| Sjanger | Rock, folk, jazz, blues | ||
| Instrument | Vokal, bassgitar, gitar, klaverinstrument | ||
| Tilknytte artistar | Les Fleur de Lys, King Crimson | ||
| Plateselskap | Wilderness Records, East West Records, etc. | ||
| Verka som | Musikar, låtskrivar, vokalist, plateprodusent | ||
Han var skulekamerat av King Crimson-gitaristen Robert Fripp og dei to arbeidde først i lag i ein amatørversjon av Fripp-bandet League of Gentlemen i midten av 1960-åra. Sidan den gong har Gordon Haskell alltid vore i utkanten av det engelske musikkmiljøet. Ein kort periode delte han leilegheit med Jimi Hendrix. Medan han spelte bass i det psykedeliske popbandet Fleur De Lys spelte han inn nokre singlar med gruppa utan særleg suksess. Debutplata til Haskell som soloartist var Sail in My Boat i 1969. Albumet selde dårleg.
Diskografi
endre- 1966-1969 - Les Fleur de Lys - Reflections
- 1969 - Sail In My Boat
- 1971 - It Is And It Isn't (med John Wetton, Arif Mardin, David Spinozza, Eddie Brigati, David Brigati, et al.)
- 1979 - Serve At Room Temperature
- 1992 - Hambledon Hill
- 1992 - It's Just A Plot To Drive You Crazy
- 1994 - Voiceprint Radio Sessions
- 1996 - Butterfly In China
- 2000 - All In The Scheme of Things
- 2001 - Look Out
- 2002 - Shadows On The Wall
- 2004 - The Lady Wants To Know
- 2010 - One Day Soon
Kjelder
endre- Denne artikkelen bygger på «Gordon Haskell» frå Wikipedia på engelsk, den 12. juni 2012.
- Wikipedia på engelsk oppgav desse kjeldene:
Bakgrunnsstoff
endre- Offisiell nettstad Arkivert 2010-10-10 ved Wayback Machine.
- My space