Grisetang

Grisetang
Systematikk
Domene:	Eukaryota
Rike:	Chromalveolata
Klasse:	Phaeophyta
Orden:	Fucales
Familie:	Fucaceae
Slekt:	Ascophyllum Stackhouse, 1809
Art:	A. nodosum
Vitskapleg namn
Ascophyllum nodosum (L.) Le Jolis

Grisetang er ein vanleg brunalge i strandsonen i Noreg.

Utsjånad

Ein fleirårig brunalge som kan verte opp til 2 m lang, med olivengrønt fargeskjær, og uregelmessig gaffelgreina. Hovudaksen i tverrsnitt noko ellipseforma og 5-10 mm brei. Tangen manglar midtnerve. Her og der svell akse og greiner opp til gassfylte ovale blærer som er ganske harde. Nedst ei hefteskive som kan bere mange skot. Kjønnsorgan utviklar seg i tjukkare parti (receptaklar) i enden av sidestilte kortskot. Han- og hoorgan på ulike plantar. Dei modnast i juni-juli.

Utbreiing

Tangen er vanleg langs den nordvestlege kysten av Europa frå Svalbard til Portugal medrekna Færøyane. På andre sida av Atlanterhavet finst han aust på Grønland, kring Nova Scotia, Baffinland, Hudsonsundet, Labrador og Newfoundland.

Førekomst i Noreg

Planta veks på berggrunn langs heile kysten, vesentleg i nedre del av sagtangbeltet.

Bruk

Store mengder grisetang har vorte samla inn kvart år til produksjon av tangmjøl og alginat. Tidlegare vart tangen også nytta til dyrefôr.

Kjelder

• *Denne artikkelen bygger på «Ascophyllum nodosum» frå Wikipedia på engelsk, den 11. mars 2012.
• Floraen i farger 2, Arne Pedersen og Jørgen Vasshaug, H. Aschehoug & Co. ( W. Nygaard ).