Gunder Paulsen Frilseth

Gunder Paulsen Frilseth (7. september 1817–12. november 1892) var ein norsk gardbrukar og stortingsmann frå Eidsvoll i Akershus. Han var medlem av Venstre.

Gunder Paulsen Frilseth
Fødd	7. september 1817 Eidsvoll kommune
Død	12. november 1892 (75 år)
Statsborgar av	Noreg
Parti	Venstre
Yrke	bonde, politikar
Alle verv	stortingsrepresentant (1880–1882) ordførar i Eidsvoll vararepresentant til Stortinget (1874–1876) vararepresentant til Stortinget (1877–1879) stortingsrepresentant (1883–1885) stortingsrepresentant (1886–1888)

Frilseth var son til ein gardbrukar på Frilset. Han tok over farsgarden i 1845 og dreiv denne til 1882, og på ny frå 1890, då son hans døydde. Frilseth var medlem av heradsstyret i Eidsvoll i 46 år, 1844-89, og i tjue år, 1867-86, var han ordførar. Forlikskommissær 1873-89.

Frå 1880 til 1888 var Frilseth stortingsmann frå Akershus amt. Han var heile tida medlem av Lagtinget og militærkomiteen. I 1883-84 var han ein av dei som var medlem av riksretten mot Selmer-ministeriet.

Han døydde på garden sin i Eidsvoll i 1892.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Biografisk informasjon om Gunder Paulsen Frilseth NSD Norsk senter for forskningsdatas politikararkiv