Gustav Jensen
Gustav Margerth Jensen (13. juli 1845–2. november 1922) var ein norsk stiftsprost, hymnolog, salmediktar og prestelærar. Hanvart fødd i Drammen, men fekk sin første skolegang i Arendal. Han er mest kjend for å ha leia revisjonsarbeidet som resulterte i Landstads reviderte salmebok.
| Gustav Jensen | |
| Statsborgarskap | Noreg |
| Fødd | 13. juli 1845 |
| Død |
2. november 1922 (77 år) |
| Yrke | prest, salmediktar, hymnolog |
| Religion | Den evangelisk-lutherske kyrkja |
Gustav Jensen tok teologisk embetseksamen i 1868. Ei tid var han folkehøgskolelærar i Skoger før han i 1874 vart kapellan i Vestre Aker, sidan Gamle Aker, Trefoldighetskyrkja og i 1902 stiftsprost i Kristiania og sokneprest i Vår Frelser menighet.
I 1911 tok han avskil for å kunne bruke all si tid på arbeidet med revisjon av kyrkjesalmeboka, eit oppdrag han hadde fått ved kongeleg resolusjon i 1908. I 1915 la han fram sitt Forslag til en revideret Salmebok for den norske kirke. Framlegget førte til mykje strid. Jensen døydde i 1922, utan å ha fått oppleve at den reviderte salmeboka var teken i bruk. Den vart først endeleg godkjend i 1924, som Landstads reviderte salmebok.
8 av salmane i Norsk salmebok er skrivne av Gustav Jensen. I tillegg har han omsett 12, blant dei Petter Dass-salmen Herre Gud ditt dyre navn og ære.
Også i Lov Herren Katolsk salmebok er ein av Jensen sine salmar med, i tillegg til 6 av omsetjingane hans.
Kjelder
endre- P.E. Rynning (1954): Salmediktingi i Noreg Det norske Samlaget
- Kristen sang og musikk Runa forlag 1962
- Utdjupande artikkel om Jensen på NBL, skriven av Bernt Oftestad