Hampshire
Hampshire (tidlegare stundom kalla Southamptonshire,[1] Hamptonshire,[2] eller County of Southampton[3]) er eit grevskap på sørkysten av England. Grevskapet grensar til Dorset, Wiltshire, Berkshire, Surrey og West Sussex. Det har eit areal på 3769 km² og strekkjer seg på det lengste 90 km frå aust til vest og 65 km frå nord til sør. Administrasjonsbyen er Winchester og det har kring 1,7 millionar innbyggjarar. Det seremonielle grevskapet består av elleve distrikt i det administrative grevskapet i tillegg til dei sameinte styresmaktene Southampton og Portsmouth. Dei to byene vart sjølvstyrte i 1997 og har kring 1,6 millionar innbyggjarar. Christchurch og Bournemouth, som tidlegare låg i grevskapet, vart ein del av Dorset i 1974.
| Hampshire | |||
| grevskap | |||
 | |||
| Land |  England
| ||
|---|---|---|---|
| Region | Sør-England | ||
| Areal | 3 769 km² | ||
| Folketal | 1 720 600 (2008) | ||
| Grunnlagd | Historisk | ||
| Status | Seremonielt og ikkje-metropolitansk grevskap | ||
 Hampshire 51°03′27″N 1°18′27″W / 51.0575°N 1.3075°W | |||
 Kart som viser Hampshire.
| |||
| Wikimedia Commons: Hampshire | |||
Hampshire er eit populært ferieområde med turistattraksjonar som dei mange kystbyane, området rundt Portsmouth og motormuseumet i Beaulieu. Nasjonalparkane New Forest og South Downs ligg i grevskapet. Hampshire har ei lang sjøfartshistorie og to av dei største hamnebyane i England, Portsmouth og Southampton, ligg ved kysten. Grevskapet er kjend som heimstad til forfattarane Jane Austen og Charles Dickens og ingeniøren Isambard Kingdom Brunel.
Historie
endreHampshire har tidlegare vorte kalla Southamptonshire, mellom anna på kart frå viktoriansk tid. Namnet vart offisielt endra til Hampshire 1. april 1959.
Isle of Wight vart tidlegare, i seremonielle samanhenger, rekna som ein del av Hampshire, men har vore eit eige administrativt grevskap sidan 1890 og eige seremonielt grevskap sidan 1974. Det einaste formelle administrative bandet mellom dei to grevskapa er den felles politistyrken.
Kjelder
endre- Denne artikkelen bygger på «Hampshire» frå Wikipedia på engelsk, den 18. november 2009.
- Wikipedia på engelsk oppgav desse kjeldene:
- ↑ Grant, Russell (1989). The Real Counties of Britain. Oxford: Lennard Publishing. s. 61. ISBN 1-85291-071-2.
- ↑ Cox, Thomas (1738). Magna Britannia, Antiqua et Nova, A Survey of England, wherein to Camden's Topographical Account is added a more large History of Cities, Towns, Boroughs, Parishes and Places.
- ↑ Encyclopædia Britannica, 1911. «Hampshire».
Bakgrunnsstoff
endre- / Basingstoke Karate og Martial Arts Academy
- Hampshire grevskapsråd Arkivert 2006-04-27 ved Wayback Machine.
- Gåturar i Hampshire
- Bilete av Hampshire Arkivert 2006-01-04 ved Wayback Machine.
- Attraksjonar i Hampshire Arkivert 2013-09-02 ved Wayback Machine.
- Gamle flyfoto av Portsmouth Arkivert 2008-04-03 ved Wayback Machine.