Hans Christian Alsvik
Hans Christian Alsvik (21. april 1936–1. oktober 2011) var ein norsk fjernsynsmann og forfattar frå Svolvær i Lofoten. Alsvik hadde særleg kompetansefelt innan natur og biologi. Til saman laga han over 3000 naturprogram for NRK.
| Hans Christian Alsvik | |
| Statsborgarskap | Noreg |
| Fødd | 21. april 1936 Svolvær |
| Død |
1. oktober 2011 (75 år) |
| Yrke | journalist, filolog, skribent, programsekretær, programleiar, TV-produsent |
| Språk | norsk |
Biografi
endreAlsvik utdanna seg til journalist og jobba fyrst i Vestfold Arbeiderblad. I 1966 vart han tilsett i NRK, der han fyrst jobba i Dagsrevyen. Her starta han med naturinnslag i nyhenda, noko som seinare skulle utvikla seg til programmet Ut i naturen, som framleis går fast på NRK. Alsvik var opphavsmann for Ut i naturen, og var programleiar for det i ei årrekkje.
Alsvik meistra fleire språk, m.a. russisk, engelsk og tysk. I mange år samarbeidde han med BBC, og fekk sendt dei fyrste utanlandske naturprogramma på norsk fjernsyn. Ofte var det han sjølv som spelte inn den norske kommentatorrøysta for desse. I karrieren i NRK vart han også forfremja til redaksjonssjef.
Alsvik døydde i oktober 2011 etter lang tids sjukdom.
Bibliografi (utval)
endre- Salutt (1972)
- Nattsøster (1973)
- Glassplaten (1974)
- Middagsgjesten fra Lopphavet (1975)
- Hundlort og fiken Roman, (1976)
- Geparden som ville intervjues (1977)
- Safari til Strandvågan (1978)
- Tavaritsj (1979)
Heider
endre- I juni 2001, under utdelinga av Gullruten 2000, vart Hans Christian Alsvik tildelt heidersprisen for innsatsen sin.[1]
- I 2002 vart Alsvik tildelt Kongens fortenestmedalje i gull.[2]
- I 2005 fekk han Den norske friluftslivsprisen. I grunngjevinga vart det m.a. sagt at Alsvik som ein av dei ruvande figurane i norsk friluftsliv sette ein standard for presentasjon av natur på fjernsyn gjennom verksemda si i NRK. Kjærleiken til naturen som har prega naturprogramma hans, har vore viktig for friluftslivet i Noreg.[3]
Kjelder
endreFotnotar
endre- ↑ Billy Jacobsen. «Hans Christian Alsvik». NRK Nordland Fylkesleksikon. Henta 6. april 2012.
- ↑ «Tildeling av ordener og medaljer: Søk i arkivet». kongehuset.no. Henta 6. april 2012.
- ↑ Grunngjevinga for Friluftlivsprisen til Alsvik, arkivert frå originalen 14. august 2012, henta 3. oktober 2011