Happiness is a Warm Gun
| Happiness Is a Warm Gun Song av The Beatles frå albumet The Beatles | ||
| Utgjeve | 22. november 1968 | |
| Innspelt | 23–26. september 1968, EMI Studios, London | |
| Sjanger | Progressive rock | |
| Lengd | 2:43 | |
| Selskap | Apple Records | |
| Komponist | Lennon/McCartney | |
| Tekstforfattar | Lennon/McCartney | |
| Låtskrivar(ar) | Lennon–McCartney | |
|---|---|---|
| Produsent | Chris Thomas | |
«Happiness Is a Warm Gun» er ein song av The Beatles på dobbeltalbumet The Beatles (òg kjend som The White Album). Songen er i hovudsak skriven av John Lennon, men tilskriven Lennon/McCartney. Arbeidstittelen på songen var «Happiness Is a Warm Gun in Your Hand», som var inspirert av ei setning i eit magasin, som var ein parodi på Happiness is a Warm Puppy, ei Knøttene-bok skriven av Charles Schulz i 1962.
Songen er berre tre minuttar lang, men inneheld fem forskjellige parti. Han startar med ein kort liten melodiøs del («She’s not a girl who misses much …»). Etter kvart kjem trommer, bass og forvrengd gitar inn. Vidare skiftar songen til ein del av ein Lennon-song kalla «I Need a Fix», bygd rundt eit skummelt gitarriff. Denne delen glir over i eit refreng, «Mother Superior jumped the gun».
Den siste delen er i doo-wop-stil der korvokalen består av «bang, bang, shoot shoot». Dei mange delane av songen inspirerte Radiohead og dei tre delane av songen «Paranoid Android» på OK Computer.[1]
Songen skiftar takt fleire gonger. Han startar i 2/4 takt, skiftar til 3/4-takt under «which he gave and donated to the national trust» og til 6/8-takt for gitarsoloen i «I need a fix …»-delen. Dette går så over i 3/4- og 4/4-takt i «Mother Superior …»-biten, før han held fram i 4/4-takt under doo-wop-avsluttinga.
I følgje Lennon kom tittelen til han frå omslaget på eit våpenmagasin som produsenten George Martin viste han. Lennon sa om dette: «Eg trur han viste meg omslaget på eit magasin som sa 'Happiness Is a Warm Gun'. Det var eit våpenmagasin. Eg syntest det var fantastisk, ein sprø ting å seie. Eit varmt skytevåpen tyder på at du nettopp har skote noko.»[2]
Medverkande
endre- John Lennon – solovokal, elektrisk gitar, piano
- Paul McCartney – bass, korvokal, trommer
- George Harrison – sologitar, korvokal
- Ringo Starr – fingercymbal
Andre versjonar
endre- Tori Amos, på albumet Strange Little Girls
- Phish, på albumet Live Phish Volume 13
- U2, som B-side til singelen "Last Night on Earth"
- Alanis Morissette, på 1995-1996 Can't Not-turneen
- Joe Anderson med Salma Hayek på filmmusikken til Across the Universe
- Guns N' Roses på Use Your Illusion-turneen.
- The Breeders, på album Pod
- Marc Ribot, på albumet Saints
- Dream Theater, på konsertar
Kjelder
endre- Denne artikkelen bygger på «Happiness Is a Warm Gun» frå Wikipedia på engelsk, den 8. februar 2009.
- Wikipedia på engelsk oppgav desse kjeldene:
- ↑ «Paranoid Android». Henta 8. februar 2009.
- ↑ Jann S. Wenner (2000). Lennon Remembers. London: Verso. s. 114–115. ISBN 1-85984-600-9.