Heinz Kuttin

Heinz Kuttin (fødd 5. januar 1971) er ein austerriksk, tidlegare skihoppar frå Gassen i Kärnten. Han vart verdsmeister i normalbakken under Ski-VM 1991, der han også vann eit VM-gull med Austerrike sitt lag i laghopp.

Heinz Kuttin
Statsborgarskap	Austerrike
Fødd	5. januar 1971 (53 år) Stockenboi
Idrett	skihopping
Tok del i	Vinter-OL 1988, Skihopping under Vinter-OL 1992 – Stor bakke, Skihopping under Vinter-OL 1992 – Laghopp, Skihopping under Vinter-OL 1994 – Laghopp
Utmerkingar	ærestegn i sølv av Ærestegnet for fortjenester

Aktiv

Kuttin debuterte i verdscupen som 16-åring, og kom på ein fin åttandeplass. Han deltok i OL 1988 i Calgary og vart nummer seks og beste austerrikar i normalbakken. I VM 1989 i Lahti tok han bronsemedaljen i normalbakken.

To år seinare, under VM 1991 vart han verdsmeister i normalbakken med 222,9 poeng, 0,9 framom sølvvinnaren Kent Johanssen frå Noreg. Tidlegare i same meisterskapen vann han også VM-gull i lagtevlinga, dei andre på Austerrike sitt lag var Ernst Vettori, Andreas Felder og Stefan Horngacher.

Under OL 1992 i Albertville fekk Kuttin bronsemedaljen i storbakken og ein sølvmedalje i lagtevlinga. Både under Ski-VM 1993 i Falun og under OL på Lillehammer vart det bronsemedaljar på Austerrike i laghopp, Kuttin var på laget begge gongane.

Kuttin vann to verdscuprenn, begge i Granåsen i Trondheim (1991 og -92), og kleiv på pallen etter tolv verdscuprenn (2-6-4). Dessutan var han med å vinne to lagtevlingar i verdscupen. Han la opp som aktiv i 1995.

Verdscupsigrar

Dato	Stad	Land
13. mars 1991	Trondheim	Noreg
8. mars 1992	Trondheim	Noreg

Kjelder

• Denne artikkelen bygger på «Heinz Kuttin» frå Wikipedia på tysk, den 2. desember 2012.

Bakgrunnsstoff

• (en) Heinz Kuttin – Profil og resultatoversikt hos FIS
• «Heinz Kuttin» (på engelsk). olympedia.org. Henta 25. januar 2023.