Henry Aas
Henry Aas (1901–1977) var ein NKP-politikar frå Stord. Han var kjend som ein av dei mest framståande kommunistiske ideologane i lokalsamfunnet. Han jobba ved Stord Verft.
| Henry Aas | |
| Statsborgarskap | Noreg |
| Fødd | 20. mai 1901 Stord kommune |
| Død | |
| Yrke | politikar, redaktør |
| Politisk parti | Norges Kommunistiske Parti |
I 1931 var Aas elev ved Lenin-skulen i Moskva, ein skule som berre har hatt rundt 40 norske elevar. I 1937 vart han vald inn i kommunestyret på ei felleslista med Arbeidarpartiet, og sat truleg i kommunestyret i fleire periodar. Han var sentral i utgjevinga av partiavisa Sunnhordland Arbeiderblad, saman med m.a. Torborg Nedreaas.
Aas var aktiv i fagforeiningsarbeid, i opposisjon til Arbeidarpartiet. Han gjorde ein stor innsats for å få arbeidarar på Stord til å organisera seg i fagforeiningar. Til saman var han med og stifta ni lokale fagforeiningar, m.a. Stord Bygningsarbeiderlag i 1939. Han sat som leiar i Stord Jern- og Metallarbeiderforening i 1955.
Under krigen sat Aas i konsentrasjonsleiren Sachsenhausen frå 1942 til 1945 grunna dei politiske sympatiane sine. I følgje soga vart han pågripen etter ei filmframsyning, der han skal ha kalla ein tysk propagandafilm for «løgn og forbanna dikt».
Kjelder
endre- Avisa Sunnhordland, 10. november 2006 [1] Arkivert 2007-09-28 ved Wayback Machine.
- Stord Arbeidarparti - 70 år Historie
- Merknad til boka The Leader, the Party and the Politics om Peder Furubotn sitt liv og virke
- Knut Grove og Jan Heiret. I stål og olje - Historia om jern- og metallarbeidarane på Stord 1996.