Hubert Strolz
Hubert Strolz (fødd 26. juni 1962) er ein austerriksk tidlegare alpin skirennar frå Warth i Vorarlberg som vann ein gull- og ein sølvmedalje under dei olympiske leikane 1988, og VM-sølv året etter.
| Hubert Strolz | |
|
| |
| Statsborgarskap | Austerrike |
| Fødd | 26. juni 1962 (62 år) Warth |
| Idrett | alpint |
| Tok del i | Vinter-OL 1992, Vinter-OL 1984, Alpint under Vinter-OL 1988 – Storslalåm menn, alpine skiing at the 1988 Winter Olympics – men's combined |
| Utmerkingar | æresteikn i gull for tenester til den austerrikske republikken |
Aktiv
endreStrolz VM-debuterte med ein tiandeplass i storslalåm under VM i alpine greiner 1982 i Schladming. To år seinare vart han nummer seks i same øvinga under Vinter-OL 1984 i Sarajevo. I VM i alpine greiner 1987 nærma han seg ytterlegare ein medaljeplass med fjerdeplass i storslalåm og femteplass i super-G.
Under Vinter-OL 1988 i Calgary vann Strolz gullmedaljen i kombinasjonen. I storslalåm tok han sølvmedaljen, bakom Alberto Tomba frå Italia. Også i super-G kjempa Strolz om medalje, men enda tre hundredels sekund bakom bronsemedaljøren og vart nummer fire. Året etter kopierte han super-G-plasseringa under VM i alpine greiner 1989 i Vail i USA.
Strolz fremste prestasjon under vinterleikane 1992 i Albertville vart ein delt niandeplass i storslalåm. Langt betre gjorde han det under VM i alpine greiner 1993 i japanske Morioka, der han vart nummer fire i slalåm og seks i storslalåm.
Strolz vart nummer tre i verdscupen i alpine greiner 1988, bakom sveitsaren Pirmin Zurbriggen og Alberto Tomba frå Italia. Same sesongen noterte Strolz seg for sin einaste siger i verdscupen då han, 17. januar 1988, kleiv til topps på pallen etter kombinasjonen i Bad Kleinkirchheim. Til gjengjeld hadde han heile 14 andreplassar og 18 tredjeplassar etter andre verdscuprenn.
Han la bort konkurranseskia i 1994.
Kjelder
endre- Sportsboken, aktuelle årgangar
- Denne artikkelen bygger på «Hubert Strolz» frå Wikipedia på tysk, den 7. januar 2015.
Bakgrunnsstoff
endre- (en) Hubert Strolz – Profil og resultatoversikt hos FIS
- «Hubert Strolz» (på engelsk). olympedia.org. Henta 25. januar 2023.