Hugo Simberg

Hugo Simberg (24. juni 1873–12. juli 1917) var ein finsk målar, grafikar og skulptør, fødd i Fredrikshamn. Så å seie all hans kunst høyrer til stilretninga symbolismen.

Hugo Simberg
Sjølvportrett, 1907]]
Statsborgarskap	Finland
Fødd	24. juni 1873 Fredrikshamn
Død	12. juli 1917 (44 år) Etseri
Yrke	kunstmålar, bilethoggar, arkitekt, grafikar
Språk	svensk
Far	Tom Simberg
Hugo Simberg på Commons

Liv og gjerning

Sårad ängel, 1903, kåra til Finlands nasjonalmåleri i 2007.

Simberg var son til ein oberst. Han voks opp i Fredrikshamn til familien flytta til Viborg då han var åtte år gammal. Han utdanna seg på ein teikneskule i Helsingfors 1893-95 og dei to neste åra hos Akseli Gallen-Kallela i Ruovesi. Deretter vitja han dei italienske byane Firenze, Pisa, Roma, Napoli og Venezia frå november 1897 til sommaren 1898. Hausten 1898 vart han medlem av Konstnärsgillet. Frå januar 1899 var han lærar ved ein teikneskule i Viborg. I juni same året la han ut på ei lengre studiereise i Russland, mellom anna i Kaukasus. Seinare gjorde han utferder til Italia, Frankrike og USA.

Simberg laga symbolistiske måleri som til dømes Sårad ängel (1903), Flodstranden og Döden i ein vemodig, bisarr stil som til ein viss del minner om Ivar Arosenius sine bilete. Simbergs kunst vart heller lite påakta medan han levde. Etter han døydde i Etseri i 1917 vart det stelt i stand to utstillingar i Helsingfors med Simbergs kunst. Desse utstillingane vekte både allmenta og kritikken, slik at arbeida hans vart jamt meir påakta. I Sverige vart to utstillingar i 1924 og 1929 med finsk kunst, der verk av Hugo Simberg hengde jamsides det beste av Akseli Gallen-Kallela sin produksjon på heidersplass.

Kjelder

• Denne artikkelen bygger på «Hugo Simberg» frå Wikipedia på svensk, den 1. juli 2014.