Hylestad kyrkje

For kyrkja med liknande namn i Ytre Sogn, sjå Hyllestad kyrkje.

Hylestad kyrkje
kyrkje
Hylestad kyrkje Foto: Helge Haugland
Land	Noreg
Fylke	Agder
Kommune	Valle
Kyrkjesamfunn	Den norske kyrkja
Bispedøme	Agder og Telemark
Prosti	Otredal prosti
Sokn	Valle og Hylestad
Fellesråd	Valle
Type	Åttekantkyrkje
Arkitekt	H.D.F. Linstow
Material	Tre
Innvigd	30. juni 1839
Klokker	1, O. Olsen & Søn, 1901
Altartavle	Ole Neuwerth, 1781 (bilete, i ei ramme laga av Olav T. Berg)
Orgel	Brødr. Torkildsen, 1991
Sitjeplassar	300
Hylestad kyrkje 59.09533333°N 7.53294444°E / 59.09533333; 7.53294444
Wikimedia Commons: Hylestad kirke

Hylestad kyrkje står på Hylestad ved Otra i Valle kommune og er den eine av to soknekyrkjer i Valle og Hylestad sokn i Otredal prosti.

Det er ei åttekanta kyrkje i lafta tømmer frå 1839, oppført av Anders «Kyrkjebyggar» Thorson Syrtveit etter typeteikning av Hans Ditlev Franciscus Linstow. Syrtveit bygde fleire kyrkjer i Setesdal. Hylestad kyrkje har 200 plassar og to galleri. I våpenhuset er det kopi av Hylestadportalane frå stavkyrkja, med motiv frå heltesegna om Sigurd Fåvnesbane. Altertavla har motiva «korsfestelsen» og «nattverden». Eit orgel med tolv stemmer vart laga av Brødrene Torkildsen Orgelbyggeri i 1991, står på galleriet.

Dagens kyrkje står på Rysstad, det gamle senteret i kommunen og er den tredje kyrkja i dette soknet. Den første, Hylestad stavkyrkje vart teken ned på 1600-tallet, og langkyrkja som hadde overtatt etter den hadde i 1830-årene begynt å forfalle. Da vart kyrkjestaden flytta frå Bjørgum på den austre sida av Otra til Rysstad på den vestre. Grunnen til dette var at dei fleste i soknet budde på vestsida av elven. Kyrkja vart reist ved den nye postvegen, dagens riksveg 9, det var ikkje lenger trong om å ro til kyrkje. Truleg vart brukbar materiar frå den gamle kyrkja brukt om att i den nye, på den tida var det lite skog i området.

• 
  «Sætersdalen, Mellem Valle og Helle», foto Axel Lindahl kring 1880
• 
  Altaret og altartavla som viser korsfestinga og nattverda.

  Foto: Siri Johannessen
• 
  To av kyrkjebenkane på kvinnesida. Desse tilhøyrde gardane Straume og Rysstad.

  Foto: Siri Johannessen

Sjå òg

• Hylestad stavkyrkje

Kjelder

• Hylestad kyrkje 150 år. Hylestad sokneråd. 1989. 
• Nenseter, Bjarne (1992). «Hylestad kyrkje». På kirkevandring i Aust-Agder. Arendal: Kilden forlag. s. 108-109. ISBN 82-7627-003-4. 

Bakgrunnsstoff

• «Hylestad kyrkje». Kirkesøk. Den norske kyrkja. 
• Hylestad kyrkje i kulturminnesok.no, nettstaden til Riksantikvaren
• Rasmussen, Alf Henry (1993). Våre kirker. Norsk kirkeleksikon. Kirkenær: Vanebo forlag. s. 468. ISBN 82-7527-022-7.