Hylte kommun

Hylte kommun er ein kommune i Hallands län i Sverige. Kommunen grensar innanfor Hallands län til Falkenbergs kommun og Halmstads kommun. Vidare grensar han til Gislaveds kommun i Jönköpings län i nord og Ljungby kommun i Kronobergs län i aust og sør. Administrasjonssenteret i kommunen er Hyltebruk.

Hylte kommun
kommune
Kommunevåpen
Land	Sverige
Len	Hallands län
Landskap	Halland og Småland
Del av	Halland, Småland, Q61313599, Q31883951, Q61546070
Centralort	Hyltebruk
Areal	1 052 km²
- land	951 km²
- vatn	101 km²
Folketal	10 371
Folketettleik	10 / km²
Hylte kommun 57°N 13.25°E / 57; 13.25
Wikimedia Commons: Hylte Municipality
Nettstad: www.hylte.se

Kommunen har eit sterkt kupert landskap med mange mellomliggjande innsjøar og myrområde. Han er ein industrikommune med mange småføretak, og har mykje verkstad- og treforedlingsindustri. Vidare er det stor produksjon av avispapir i Hylte kommun.

Administrativ historikk

Den fyrste kommunen med namnet Hylte var ein storkommune som vart oppretta ved kommunereforma i 1952 gjennom samanslåing av dei tidlegare kommunane Femsjö, Färgaryd og Långaryd i Jönköpings län. Samtidig vart på same måten Unnaryd oppretta i Jönköpings län gjennom samanslåing av Bolmsö, Jälluntofta og Södra Unnaryd. I Hallands län vart også Torups landskommun oppretta gjennom samanslåing av dei tidlegare kommunane Drängsered, Kinnared og Torup.

I 1974 vart deretter den noverande kommunen til, gjennom samanslåing av Hylte, Torup og Unnaryd (utanom Bolmsö församling), samt ein del av Lidhults församling frå Ljungby kommun i Kronobergs län. Den nyoppretta kommunen vart lagd i Hallands län.

Kommunevåpenet

Blasonering: Skjold med bølgjer delt i gull, med eit oppstikkande raudt vasshjul, og blått, med to bjelkar av gull.

Kommunen oppstod i den noverande forma si i 1974, men det drygde fram til 1987 før eit kommunevåpen kunne verte registrert i Patent- och registreringsverket. Ingen av dei tidlegare einingane i området hadde hatt våpen. Bølgjene er frå elva Nissan, bjelkane er trestokkar (frå skogbruket) og vasshjulet symboliserer industrien.

Tettstader

Det er seks tettstader i Hylte kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr.	Tettstad	Folketal
1.	Hyltebruk	3 742
2.	Torup	1 239
3.	Unnaryd	760
4.	Rydöbruk	385
5.	Landeryd	372
6.	Kinnared	297

Kjelder

• «Hylte kommun» på Wikipedia på svensk, innhenta 22. januar 2010.
• «Hylte» hjå Store norske leksikon, innhenta 22. januar 2010 (lisensiert under CC-BY-SA).