Iberomaurusisk kultur

Iberomaurusisk kultur er ei arkeologisk nemning for ein steinalderkultur som fanst i Nord-Afrika under den siste istida, for rundt 16 000 år sidan (eller vidare, for mellom 20 000 og 10 000 år sidan). Klimaet i Nord-Afrika på denne tida var kaldare enn no, det voks mellom anna eik og furu der.

Utstrekking av iberomaurusuisk (grønt felt) og seinare capsienkultur.

Av iberomaurusiske reiskapar er det særleg funne mange einegga blad. Leivningar funne med iberomaurusiske reiskapar tyder på at menneska høyrde til ei nordafrikansk grein av Cro Magnon-menneska. Dei jakta særleg på mankesau.

Namnedelen «ibero» viser til eit tenkt samband med den spanske magdalénienkulturen, som var på om lag same tid og hadde mange like trekk. Seinare undersøkingar peiker meir mot at kulturen stammar frå Nildalen.

Kjelder

• Encyclopædia Britannica (2009), «Ibero-Maurusian industry», November 16, 2009, Encyclopædia Britannica Online
• Late Stone Age blade technology Arkivert 2009-03-26 ved Wayback Machine. ved worldtimelines.org.uk

Bakgrunnsstoff

• Ibero-Maurusian industry i Encyclopaedia Britannica
• The Iberomaurusian enigma: north African progenitor or dead end? Irish J.D.
• Diversité mitochondriale de la population de Taforalt(12.000 ans BP – Maroc), Kéfi at al 2005