If I Didn't Care
| If I Didn't Care Song av The Ink Spots | ||
| Utgjeve | Februar 1939 | |
| Innspelt | 12. januar 1939 | |
| Sjanger | Rhythm and blues, barbershop | |
| Selskap | Decca Records | |
| Komponist | Jack Lawrence | |
| Tekstforfattar | Jack Lawrence | |
| Låtskrivar(ar) | Jack Lawrence | |
|---|---|---|
«If I Didn't Care» er ein song skriven av Jack Lawrence som opphavleg vart sungen og innspelt av The Ink Spots med Bill Kenny i 1939. The Ink Spots-innspelinga vart den tiande mestseljande singelen gjennom tidene med over 19 millionar selde eksemplar, og er ein av få som har seld meir en 10 millionar eller fleire eksemplar verda over.[1] I følgje Lawrence posta han songen før han synte songen til nokre vener. Nesten alle venene reagerte negativt, men han sjølv hadde trua på songen og de vart seinare ein av dei største suksessane hans.[2]
Historie endre
I 1950-åra hadde både The Hilltoppers og Connie Francis ein hit med songen. I 1974 gjekk ein versjon spelt inn av David Cassidy opp til niandeplassen på UK Singles Chart i mai det året.[3] Ein annan kjend versjon kom frå The Platters (30. plass i USA i 1961). Bing Crosby tok med songen i ein medley på albumet sitt On the Sentimental Side (1962). I 1970 song soulgruppa The Moments (seinare kjend som Ray, Goodman & Brown) ein hitversjon av songen som nådde 44. plassen på Billboard Hot 100. Songen vart òg spelt av Madness i 1999 på albumet deira Wonderful. I 1999 song Bryan Ferry ein versjon av songen som B-side til singelen «As Times Goes By».
Songen er innlemma i Grammy Hall of Fame og var 271. på lista deira over «Songs of the Century» (Hundreårets songar)
I popkulturen endre
- The Ink Spots song songen 4. april 1948 i ein episode av The Jack Benny Program for ein reklame for sigarettmerket Lucky Strike.
- Songen er med i filmen Miss Pettigrew Lives for a Day, sungen av skodespelarane Amy Adams og Lee Pace.
- The Ink Spots si innspeling vart nytta i filmmusikken til filmane Frihetens regn, Get Low, Radio Days og Hyde Park on Hudson.
- Songen vart òg nytta i fjernsynsserien The Wonder Years.
- Songen kan høyrast i videospelet BioShock.
- Songen vert ofte sungen av Fred G. Sanford (Redd Foxx) i 70-talsserien Sanford and Son og var favorittsongen til karakteren hans.
- Songen vart nytta i ein trailer for The Strangers.
- Songen vert sungen av ein karakter i episoden «X-Cops» i The X-Files.
- Han vert sungen i ein episode av Frank's Place.
- Songen vart nytta i ein trailer for filmen Blade Runner, men vart ikkje nytta i den endelege filmen. I staden for komponerte Vangelis ein ny song i same stil, kalla «One More Kiss, Dear».
- Songen kan høyrast i showet Crossing Jordan.
- Denne songen vart sungen av Venus Flytrap i ein episode av WKRP in Cincinnati.
- Songen vert nytta i slutten av pilotepisoden til Defiance.
- Songen vart spelt under rulleteksten til filmen We Steal Secrets: The Story of WikiLeaks.
- Songen vrt sungen av ei gruppe studiner i Spike Lee-filmen School Daze.
- Songen vart spelt i byrjinga av filmen The Shawshank Redemption.
Kjelder endre
- Denne artikkelen bygger på «If I Didn't Care» frå Wikipedia på engelsk, den 15. februar 2018.
- Wikipedia på engelsk oppgav desse kjeldene:
- ↑ «Songwriters Friends: The Ink Spots». Songwriters Hall of Fame. Arkivert frå originalen 23. juli 2015. Henta 15. februar 2018.
- ↑ Jack Lawrence Songwriter website Arkivert 2012-07-09 ved Wayback Machine.
- ↑ Roberts, David (2006). British Hit Singles & Albums (19th utg.). London: Guinness World Records Limited. s. 97. ISBN 1-904994-10-5.