Igunaq
Igunaq (inuktitut ᐃᒍᓇᖅ) [iɣuˈnaq]),[1] eller kopalhen (tsjuktsjisk копалгын, romanisert kopalgyn, IPA [kopaɬɣən]) er ein metode for mattilreiing i inuittisk, tsjuktsjisk, nenetsisk og evenkisk tradisjon. Han blir brukt for ulike typar kjøt, særleg frå kvalross og andre sjøpattedyr. Kjøt og feitt frå dyr fanga om sommaren blir grave ned i bakken i stykke, og går gjennom ei fermentering om hausten og frys over vinteren. Neste år er det klart til å etast. Igunaq er rekna som ein delikatesse, og er ganske kostbart. Retten er likevel blitt mindre vanleg dei siste åra, etter at andre typar mat er blitt meir tilgjengeleg i arktiske område. Det følgjer også ein viss risiko ved retten. Feil tillaging kan føra til sjukdom og død gjennom botulisme.[2][3]
Kjelder
endre- ↑ Igunaq (n.d.)]. Inuktitut: Living Dictionary. Henta 14. september 2012.
- ↑ Igunaq - Aged Meat (PDF), arkivert frå originalen (PDF) 27. april 2022, henta 8. november 2022
- ↑ «Traditionally prepared walrus meat connected to botulism patients», Food Safety News (på engelsk), 6. april 2021, henta 8. november 2022
- Denne artikkelen bygger på «Igunaq» frå Wikipedia på engelsk, den 8. november 2022.