Illusion av Renaissance
| Illusion Studioalbum av Renaissance | ||
| Språk | engelsk | |
| Utgjeve | 1971 | |
| Innspelt | Våren og sommaren 1970 | |
| Studio | Olympic Studios og Island Studios i London | |
| Sjanger | Progressiv rock | |
| Lengd | 42:31 | |
| Selskap | Island | |
| Produsent | Keith Relf | |
| Renaissance-kronologi | ||
|---|---|---|
| Renaissance (1969) |
Illusion | Prologue (1972)
|
Illusion er det andre studioalbumet til det engelske progressive rockebandet Renaissance, gjeve ut i 1971. Det vart opphavleg berre gjeve ut i Tyskland og kom ikkje ut andre stader før i 1973.[2] I Storbritannia kom det først ut i 1977, med eit plateomslag som hadde byta om fram- og baksida av den originale utgjevinga.[3]
| Meldingar | |
|---|---|
| Karakter | |
| Kjelde | Karakter |
| AllMusic |   [1] |
Oversyn
endreDen originale Renaissance-besetninga vart oppløyst under innspelinga av dette andre albumet deira. Jim McCarty var den første som forsvann i 1970, då bandet var på veg ut på ein europeisk turné, fordi han mislikte så sterkt å fly. Keith Relf og Louis Cennamo var dei neste som for, og i lag skipa dei ei ny gruppe, Armageddon.[2] McCarty var framleis knytt til Renaissance som låtskrivar, og skreiv songar for dei tre neste albuma til bandet.
John Hawken heldt bandet gåande med å hente inn nye medlemmar, som Michael Dunford og Terry Crowe, som han tidlegare hadde spelt i lag med i The Nashville Teens. Den nye bassisten Neil Korner hadde tidlegare spelt i The New Vaudeville Band.[4] Denne nye besetninga, som spelte inn «Mr. Pine», vart kortvarig.
«Mr. Pine» er det einaste sporet på eit Renaissance-album der medlemmar frå den originale besetninga (Hawken, Jane Relf) kan høyrast i lag med medlemmar frå den klassiske besetninga deira (Dunford). Han inneheld eit tema som vart nytta om att i ein meir kjend Renaissance-song, «Running Hard» (frå Turn of the Cards, 1974).
For å fullføre albumet kom den (då oppløyste) originalbesetninga saman att, utanom Hawken og med gjesteklaverspelaren Don Shinn, for å spele inn «Past Orbits of Dust».[2]
Eit av spora som vart spelte inn for Illusion, ein relativt kort song kalla «Statues», kom ikkje med på albumet. Denne vart omsider gjeven ut i 2002 på albumet Live + Direct.[5] Det originale albumet vart gjeve ut på CD i 1995 på Repertoire Records.
Illusion var det første Renaissance-album med tekstar av Betty Thatcher, som kom til å arbeide med bandet resten av 70-talet.[2]
Innhald
endre| Nr. | Tittel | Låtskrivar(ar) | Lengd |
|---|---|---|---|
| 1. | «Love Goes On» | Keith Relf | 2:51 |
| 2. | «Golden Thread» | Jim McCarty | 8:15 |
| 3. | «Love Is All» | McCarty, Betty Thatcher | 3:40 |
| 4. | «Mr. Pine» | Michael Dunford | 7:00 |
| Nr. | Tittel | Låtskrivar(ar) | Lengd |
|---|---|---|---|
| 5. | «Face of Yesterday» | McCarty | 6:06 |
| 6. | «Past Orbits of Dust» | McCarty, K. Relf, Thatcher | 14:39 |
Medverkande
endreRenaissance
endre- Jane Relf – solovokal på spor 1, 5 og 6, korvokal, perkusjon
- Keith Relf – gitar (alle utanom spor 4), solovokal på spor 3, korvokal (alle utanom spor 4)
- John Hawken – klaverinstrument, piano (alle utanom spor 6)
- Louis Cennamo – bass (alle utanom spor 4)
- Jim McCarty – trommer (alle utanom spor 4), solovokal på spor 2, korvokal (alle utanom spor 4)
- Terry Crowe – solovokal på spor 4
- Michael Dunford – gitar på spor 4
- Neil Korner – bass på spor 4
- Terry Slade – trommer på spor 4
Andre medverkande
endre- Don Shinn – klaverinstrument på spor 6
Produksjon
endre- Keith Relf – produsent
- Andy Johns, Phil Ault – lydteknikarar
Kjelder
endre- Denne artikkelen bygger på «Illusion (Renaissance album)» frå Wikipedia på engelsk, den 7. april 2020.
- Wikipedia på engelsk oppgav desse kjeldene:
- ↑ Eder, Bruce. «Renaissance – Illusion review». AllMusic. Henta 7. april 2020.
- ↑ 2,0 2,1 2,2 2,3 The History Of Renaissance
- ↑ Renaissance Diskografi
- ↑ Huey, Steve. «New Vaudeville Band Biography». AllMusic. Henta 7. april 2020.
- ↑ Liner notes from Live + Direct.