Indira Gandhi
Indira Gandhi (19. november 1917–31. oktober 1984) var ein indisk politikar, statsminister i landet i periodene 1966-1977 og 1980-1984. Ho var den første kvinnelege statsministeren i India.
| Indira Gandhi | |||
,_Bestanddeelnr_929-0811_(cropped).jpg) | |||
| Statsminister i India | |||
| Periode | 1966-1977 1980-1984 | ||
|---|---|---|---|
| Parti | Kongresspartiet | ||
| Fødd | 19. november 1917 | ||
| Fødestad | Allahabad | ||
| Død | 31. oktober 1984 | ||
| Dødsstad | New Delhi | ||
| Mor | Kamala Nehru | ||
| Far | Jawaharlal Nehru | ||
| Ektefelle | Feroze Gandhi | ||
| Barn | Sanjay Gandhi | ||
| Medlem | National Flag Presentation Committee | ||
| Føregangar | Gulzarilal Nanda Charan Singh | ||
| Etterfølgjar | Morarji Desai Rajiv Gandhi | ||
Gandhi var dotter av den første indiske statsministeren Jawaharlal Nehru, og mor til seinare statsminister Rajiv Gandhi. Ho var gift med Feroze Gandhi, og ikkje i slekt med Mahatma Gandhi.
Ho var statsminister då ho blei drepen av sikh-livvaktene sine etter å ha sendt militæret i Det gylne tempelet i Amritsar mot sikhistiske nasjonalistar.
Bakgrunn endre
Indira Gandhi var fødd som Indira Priyadarshini Nehru i Allahabad den 19. november 1917.[1][2] Familien hennar var kashmiri-panditar. Far hennar, Jawaharlal Nehru, var ein leiande person i den indiske frigjeringsrørsla frå det britiske kolonistyret. Ved delinga av Britisk India blei han den første statsministeren i unionen og seinare republikken India.[3] Ho voks opp som einebarn - ho hadde ein yngre bror, men han døydde som liten.[4] Indira voks opp med mora, Kamala Nehru, ved Anand Bhavan, eit stort slektegods i Allahabad.[5] Ho hadde ein einsam og trist barndom.[6] Faren var ofte vekke, anten for å utføra politisk arbeid eller sett i fengsel av kolonistyresmaktene, medan mora ofte var sjuk og sengeliggjande. Ho døydde ung av tuberkulose.[7] Indira hadde lite kontakt med faren i barndommen, det meste var gjennom brevveksling.[8]
Indira Gandhi fekk mykje opplæring heime privatlærarar, men gjekk no og då på skule og fullførte skulegangen i 1934. Ho var elev ved Modern School i Delhi, St Cecilia's og St Mary's Christian klosterskular i Allahabad,[9] International School of Geneva, Ecole Nouvelle i Bex og Pupils' Own School i Poona og Bombay, som er tillknytt University of Mumbai.[10]
Ho og mora flytta til Belur Math, hovudkvarteret til Ramakrishna Mission, og Swami Ranganathananda blei verjen hennar.[11] Seinare blei ho student ved Visva-Bharati University i Santiniketan, der Rabindranath Tagore gav henne namnet Priyadarshini. Etter dette blei ho kjend som Indira Priyadarshini Nehru.[12]
Mora drog til Europa for helsa si, og Indira flytta etter for å passa på henne. Etter at mora døydde gjekk Indira ei kort tid på Badminton School før ho blei elev ved Somerville College ved Universitetet i Oxford. Her byrja ho å studera historie i 1937.[13] Ho gjorde det godt i historie, statsvitskap og økonomi, men ikkje så godt i det obligatoriske faget latin.[14][15] I studietida var ho aktiv i studentlivet, mellom anna Oxford Majlis Asian Society.[16]
Kjelder endre
- ↑ Frank 2010, s. 13.
- ↑ Pupul Jayakar (27. november 1992). Indira Gandhi: A Biography. Penguin Books India. s. 10. ISBN 978-0-14-011462-1.
- ↑ Gupte 2012, s. 3.
- ↑ Frank 2010, s. 31.
- ↑ Frank 2010, s. 16.
- ↑ Frank 2010, s. 25.
- ↑ Frank 2010, s. 32.
- ↑ Frank 2010, s. 55.
- ↑ Gupte, Pranay (2011). Mother India : a political biography of Indira Gandhi / Pranay Gupte. (Rev. utg.). New York: Penguin Books. s. 151–152. ISBN 9780143068266. Henta 16. august 2016.
- ↑ Frank 2010, s. 29,75,83.
- ↑ Indira Gandhi: Daughter of India 2002, s. 42,43,45.
- ↑ Frank 2010, s. 90.
- ↑ Frank 2010, s. 116.
- ↑ Somervill 2007, s. 36.
- ↑ Gupte 2012, s. 184.
- ↑ http://oxfordmajlis.wix.com/majlis
- Skard, Torild (2014). «Indira Gandhi». Women of Power: Half a Century of Female Presidents and Prime Ministers Worldwide. Bristol: Policy Press. ISBN 9781447315780.
- Barbara Somervill (2007). Indira Gandhi: Political Leader in India. Capstone Publishers. ISBN 978-0756518851.
- Katherine Frank (2010). Indira: the life of Indira Nehru Gandhi. HarperCollins. ISBN 978-0007372508.
- Meena Agrawal (2005). Indira Gandhi. Diamond Pocket Books. ISBN 978-81-288-0901-9.
- Pranay Gupte (2012). Mother India: A Political Biography of Indira Gandhi. Penguin Books. ISBN 978-0143068266.
- Pupul Jayakar (1997). Indira Gandhi: A Biography. Penguin Books. ISBN 978-0140114621.
- Yogendra Kumar Malik (1988). India: The Years of Indira Gandhi. Brill Publishers. ISBN 978-9004086814.
- Denne artikkelen bygger på «Indira Gandhi» frå Wikipedia på bokmål, den 13. februar 2008.
- Delar av denne artikkelen bygger på «Indira Gandhi» frå Wikipedia på engelsk, den 4. april 2019.
