Ingolf

Ingolf er eit mannsnamn av norrønt opphvav, sett saman av gudenamnet Ing (Yngve) og ulfr, 'ulv'. Det norrøne namnet var Ingolfr eller Ingulfr, og namnet kan også skrivast Ingolv, Ingulf og Ingulv. Ingo er ei nordtysk kortform, medan Ingi er ei tysk kortform som kan brukast som kallenamn.

Ingolf tager Island i besiddelse (1850) av P. Raadsig. Bildet viser Ingolf Arnarsson, rekna som den første norrøne busetjaren på Island.

Ingolf har namnedag den 10. juni.

Bruk

Babyen Ingolf i ein tysk barnehage i 1972.

Foto: Wolfgang Kluge

Namnet er kjend i Norden og Tyskland. I Noreg var namnet særleg brukt først på 1900-talet, med ein topp i 1910-åra, då over 0,30 % av nyfødde gutar kunne få namnet. I 2009 var det 736 norske menn som heitte Ingolf, 75 som heitte Ingolv, 70 som heitte Ingulf og 14 som heitte Ingulv.

Namneberarar

• Ingolf Arnarsson, norrøn busetjar på Island
• Ingolf Schjøtt (1851-1922), norsk songar
• Ingolf Elster Christensen (1872-1943), norsk offiser, embetsmann og politikar
• Ingolf Danielsen (1876-1961), norsk arkitekt
• Ingolf Findregaard Schanche (1877-1954), norsk skodespelar
• Ingolf Hysing Olsen (1883-1961), norsk skipsreiar
• Ingolf Rød (1889–1963), norsk seglar
• Ingolf Davidsen (1893–1946), norsk gymnast
• Ingolf Rogde (1911-1978), norsk skodespelar
• Ingolf Dahl (1912–1970), tysk-amerikansk komponist
• Ingolf Vislie (f. 1930), norsk jurist
• Ingolf av Danmark (f. 1940), dansk prins
• Ingolf Markussen (1943 - 2011), ordførar i Sortland
• Ingolf Mork (f. 1947), norsk skihoppar
• Ingolf Håkon Teigene (1949-2007), norsk journalist
• Ingolf Wiegert (f. 1957), (aust-)tysk handballspelar

Kjelder

• «Ingolf» i Store norske leksikon, snl.no.

• Søk etter norsk namnestatistikk for Ingolf hjå Statistisk Sentralbyrå