Strandebarm

Strandebarm er eit område og ei bygd i Kvam herad.

Strandebarm
Land	Noreg
Fylke	Vestland
Kommune	Kvam herad
Strandebarm 60.270889783333°N 6.0115650833333°E / 60.270889783333; 6.0115650833333
Wikimedia Commons: Strandebarm, Kvam

I området Strandebarm er det 4 bygder:

• Innstranda (folketal 182 i 2003)
• Strandebarm (687)
• Omastrand (295)
• Mundheim (168)

Strandebarm kyrkje er ei langkyrkje bygd i 1876. Byggverket er i tre og har 550 plassar.

Fjellstrand AS er eit skipsverft som held til på Omastrand.

Tidlegare kommune

Strandebarm er også ein tidlegare sjølvstendig kommune i Hordaland, oppretta i 1837 som Strandebarm formannskapsdistrikt. I 1862 vart Strandebarm delt i to, då Jondal vart skilt ut som eige herad. Strandebarm hadde etter frådelinga 1 663 innbyggarar. 1. januar 1902 skjedde ei ny deling i det Varaldsøy vart skilt ut som eigen kommune. Strandebarm hadde etter denne delinga 1 661 innbyggarar. 1. januar 1965 vart det meste av Strandebarm med 1 545 innbyggere slått saman med delar av Varaldsøy, Jondal og Kvam til det nye Kvam herad. Samtidig vart området Kysnesstranda i Strandebarm med 100 innbyggjarar slått saman med det meste av Jondal til den nye Jondal kommune.

Folketalsutvikling

Folketalsutvikling for tidlegare Strandebarm kommune frå 1902 til 1965:

1.1.1902	1.12.1920	1.12.1930	3.12.1946	1.1.1951	1.1.1961	1.1.1965
1661	1641	1612	1731	1700	1631	1645

Folk frå Strandebarm

• Torkel Lillefosse (1868–1946), botanikar
• Kaj Skagen (f. 1949), forfattar
• Jon Fosse (f. 1959), forfattar

Kjelder

• Denne artikkelen bygger på «Strandebarm» frå Wikipedia på bokmål, den 17. mars 2007.
• Kvam kommune
• Folketal i skulekrinsar Kvam 2003 Arkivert 2007-10-08 ved Wayback Machine.