Jérémie Makiese
Jérémie Makiese (fransk uttale: [ʒeʁemi makjese, -eze]; fødd 15. juni 2000) er ein belgisk songar og fotballspelar. Han vann The Voice Belgique 2021 og representerte Belgia i Eurovision Song Contest 2022 med låten «Miss You».
| Jérémie Makiese | |||
.jpg) | |||
| Fødd | 15. juni 2000 (24 år) | ||
|---|---|---|---|
| Fødestad | Antwerpen | ||
| Opphav | Belgia | ||
| Aktiv | 2021– | ||
| Sjanger | pop | ||
| Verka som | songar, musikar, fotballspelar | ||
Bakgrunn
endreMakiese vart fødd i Antwerpen av kongolesiske foreldre. Som seksåring flytta familien, inkludert syster hans og tre brør, til Berchem-Sainte-Agathe. Eit par år seinare flytta familien til Dilbeek. Han budde i dei to kommunane i barndommen, og lærte seg både fransk og nederlandsk. Seinare busette han seg i Uccle.[1][2][3]
Makiese byrja å syngje som barn. Begge foreldra er songarar, og mora spelar også tam-tam. Han song i eit kyrkjekor som barn og tok seinare songtimar på skulen.[1][2] Han vart nasjonalt kjend i 2021, då han deltok i den niande sesongen av The Voice Belgique. I april 2021 vann han heile tevlinga.[4] Same haust kunngjorde kringkastaren RTBF at Makiese skulle representere Belgia i den kommande utgåva av Eurovision Song Contest i Torino.[1] I mars 2022 vart deltakarsongen «Miss You» gjeven ut. Låten enda som nummer 19 av 25 bidrag i finalen.
Fotballkarriere
endreMakiese har parallelt med musikken alltid hatt ei stor interesse for fotball. Som 13-åring var han målvakt for BX Brussels. I september 2021 skreiv han eittårskontrakt med fotballklubben Excelsior Virton, etter å ha spelt for Jeunesse Molenbeek, Royal Wallonia Walhain og med La Louvière Centre sommaren 2021.[1][2][5][6]
Som følgje av suksessen etter sigeren i The Voice Belgique, har han teke ein pause frå høgskuleutdanninga i geologi, for å konsentrere seg om song- og idrettskarrierene.[1][2]
Kjelder
endre- ↑ 1,0 1,1 1,2 1,3 1,4 «Belgium reveals the first artist for Eurovision 2022 🇧🇪». Eurovision.tv (på engelsk). 15. september 2021. Henta 15. mars 2022.
- ↑ 2,0 2,1 2,2 2,3 Gallagher, Robyn (15. september 2021). «Confirmed! The Voice Belgique champion Jérémie Makiese will represent Belgium at Eurovision 2022». Wiwibloggs. Henta 15. september 2021.
- ↑ Christophe, Sam (18. april 2021). «Jérémie Makiese, gagnant de The Voice: «Je suis peut-être rétro, mais pas que ça!»». Sudinfo.be (på fransk). Sudpresse. Henta 16. september 2021.
- ↑ «Jérémie Makiese, gagnant de The Voice Belgique : "Je suis venu avec une question, BJ a donné la réponse"». RTBF (på fransk). Henta 15. mars 2022.
- ↑ «Jérémie Makiese, gagnant de The Voice: «Je suis peut-être rétro, mais pas que ça!»». sudinfo.be (på fransk). 18. april 2021. Henta 15. mars 2022.
- ↑ «N1: Jérémie Makiese, vainqueur de The Voice, à l’essai à La Louvière Centre». Édition digitale de Centre (på fransk). 7. juli 2021. Henta 15. mars 2022.
- Denne artikkelen bygger på «Jérémie Makiese» frå Wikipedia på bokmål, den 11. desember 2022.