Jørgen Sønstebø
Jørgen Sønstebø (13. februar 1922–29. juni 2013) var ein lensmann og politikar frå Bø i Telemark. Han representerte Telemark og Kristeleg Folkeparti på Stortinget frå 1973 til 1985.
| Jørgen Sønstebø | |||
| Fødd | 13. februar 1922 Bø kommune | ||
|---|---|---|---|
| Død | 29. juni 2013 (91 år) | ||
| Statsborgar av | Noreg | ||
| Parti | Kristeleg Folkeparti | ||
| Yrke | politikar | ||
| Far | Hans Jørgensen Sønstebø | ||
| Alle verv |
| ||
Han var son til gardbrukar Hans J. Sønstebø som i si tid var ordførar i Bø. Sjølv gjekk han befalsskule 1939/40 fram til krigsutbrotet, deretter var han oppteken med gards- og skogsarbeid fram til 1945. Frå 1945 til 1971 var Sønstebø lensmannsbetjent fleire stader. Fram til 1952 arbeidde han i Hjartdal, deretter i Kviteseid til 1958 og i Gjerpen og Siljan til 1964. Han vende då tilbake til lensmannskontoret i Kviteseid, der han sidan 1971 var lensmann i atten år. I 1973 tok han over farsgarden i Bø, og stod som drivar av han til 1991. Frå 1989 dreiv ei eiga auksjonsforretning, Kviteseid Auksjon.
Sønstebø var etter tur medlem av kommunestyra i Gjerpen 1960-63, Skien 1964-65 og Kviteseid 1968-79 og 1987-95. Hausten 1973 vart han vald til stortingsrepresentant for Kristeleg Folkeparti, attvald 1977 og 1981. Alle tolv åra på Stortinget var han med i Justiskomiteen, nestformann i komiteen frå 1981 til -85. Perioden 1977-80 var han elles medlem i Kristeleg Folkeparti sitt kriminalpolitiske utval.