Janica Kostelić
Janica Kostelić (fødd 5. januar 1982) er ein kroatisk tidlegare alpinist som vann verdscupen i alpine greiner i 2001, 2003 og 2006. Ho vann fire olympiske gullmedaljar i 2002 og 2006, i tillegg til fem VM-gull i 2003 og 2005. I alt vann ho ni gullmedaljar og to sølvmedaljar i dei store meisterskapane i tida mellom 2002 og 2006. Alpinisten Ivica Kostelić er bror hennar.
| Janica Kostelić | |
|
| |
| Statsborgarskap | Kroatia |
| Fødd | 5. januar 1982 (42 år) Zagreb |
| Idrett | alpint |
| Tok del i | Vinter-OL 1998, Alpint under Vinter-OL 2002 – Super-G kvinner, Alpint under Vinter-OL 2006 – Super-G kvinner, Alpint under Vinter-OL 2002 – Storslalåm kvinner, Alpint under Vinter-OL 2002 – Slalåm kvinner, Alpint under Vinter-OL 2002 – Kombinasjon kvinner, Alpint under Vinter-OL 2006 – Kombinasjon kvinner |
| Utmerkingar | Skieur d’Or, Laureus World Sports Award for Sportswoman of the Year, æresborger av Zagreb, star on Croatian Walk of Fame |
Karriere
endreJanica Kostelić fekk sin fyrste tevlings-siger i verdscupen den 17. januar 1999, då ho vann kombinasjonen i St. Anton. Det store gjennombrotet kom i 2001-sesongen med ni sigrar i verdscuprenn, åtte av dei i yndlingsgreina slalåm, og siger i verdscupen i alpine greiner 2001. Under Vinter-OL 2002 i Salt Lake City tok ho heile fire medaljar, tre gull og ein sølv. Ho vann både slalåm, storslalåm og kombinasjonen, og vart nummer to i super-G, fem hundredels sekund bakom gullmedaljør Daniela Ceccarelli frå Italia.
I 2003-sesongen vann Kostelić verdscupen på suverent vis. Ho vart også verdsmeister i slalåm og i kombinasjonen under VM i alpine greiner 2003 i St. Moritz. Sesongen 2004 deltok ho ikkje i alpinbakken grunna struma og ein langvarig kneskade.
I 2005 sikra Kostelić seg tre gullmedaljar under verdsmeisterskapen i Santa Caterina, i høvesvis slalåm, utfor og kombinasjon. På slutten av same sesongen kjempa ho om sigeren i verdscupen, ein kamp som fyrst vart avgjord i det aller siste rennet. Ho måtte ikkje verte dårlegare enn nummer sju for å vinne den store pokalen, men kom i mål 0,09 sekund for seint. Dermed måtte ho nøye seg med andreplass i verdscupen 2005, tre poeng bak vinnaren Anja Pärson frå Sverige.
Kostelić revansjerte seg mot Pärson i 2006-sesongen og vann ein klar siger framom den svenske kvinna i verdscupen i alpine greiner 2006. Under vinterleikane 2006 i Torino vann Kostelić sitt fjerde OL-gull då ho sigra i kombinasjonen, og sitt andre OL-sølv etter ho vart nummer to bak Michaela Dorfmeister frå Austerrike i super-G-tevlinga. Den 17. mars 2006 tok Kostelić sin 20. verdscupsiger i slalåm, og den 30. og siste tevlings-triumfen i verdscupen.
Kjelder
endre- Sportsboken, aktuelle årgangar
Bakgrunnsstoff
endre- «Janica Kostelić». olympedia.org. Henta 11. januar 2023.
- (en) Janica Kostelić – Profil og resultatoversikt hos FIS