Janne Nygård
Janne-Kristin Svarstad Nygård (fødd 4. september 1989) er ein norsk redaktør og målkvinne frå Jølster i Sogn og Fjordane, busett på Nesodden. Landsmøtet i Norsk Målungdom valde henne til leiar i 2010. Det var ho til 2012. Tidlegare har ho vore skrivar (2008–2009) og nestleiar (2009–2010) i same organisasjonen.
| Janne Nygård | |
 | |
| Fødd | 4. september 1989 (35 år) |
| Yrke | skribent |
| Verv | Leiar i Norsk Målungdom |
| Føregangar | Maria Kristine Sture |
| Etterfylgjar | Vebjørn Sture |
I april 2012 vart ho vald til nestleiar i Noregs Mållag, og har sete som vanleg styremedlem der sidan 2013. I 2013 vart ho også tildelt Målrosprisen av Jølster Mållag.[1]
Nygård har gått på musikklinja på Firda vidaregåande skule. Utanom målsak interesserer ho seg for litteratur, teater og musikk, og har ofte figurert som «Månedens poet» i Dagbladet si diktsatsing for ungdom, «Skolekammeret».[2] Ho har studert nordisk språk og litteratur ved Universitetet i Oslo, og har ei mastergrad i nynorsk skriftkultur ved Ivar Aasen-instituttet i Volda. Ho har arbeidd som redaksjonssekretær og redaktør i tidsskriftet Syn og Segn. I 2018 vart ho vald inn i styret i Nynorsk kultursentrum. Ho har i fleire år vore kvissmeister i avisa Dag og Tid. Frå 2011 til 2021 arbeidde ho i forlaget Det Norske Samlaget. Frå 2021 er ho forlagsredaktør i Skald forlag.
Bibliografi
endreBøker
endre- 2013 – Kva skal vi med sidemål? : argument og fakta (Oslo: Samlaget). ISBN 978-82-521-8308-5 [Medforfattar: Vebjørn Sture]
- 2015 – Eit forsøk på å utvide språket. Dei naturvitskaplege artiklane i Syn og Segn i utbyggingsfasen fram til 1940 ( Høgskulen i Volda) [Avhandling]
- 2019 – Vestlandskviss : den store spørjeboka om Vestlandet (Oslo: Samlaget). ISBN 9788234000379 [Redaktørar: Halvor Folgerø og Janne Nygård]
I bøker - eit utval
endre- 2008 – Faen ta tyngdekrafta : vinnerdikt fra videregående (Oslo: Gyldendal). ISBN 978-82-05-38688-4 [Av innhaldet: Enchantè. Geometriske tulipanar / Janne Nygård]
I tidsskrift - eit utval
endreKjelder
endre- ↑ «Fekk både ros og Målros-pris». Firda.
- ↑ «– Eg er veldig oppteken av språk». Dagbladet. 2007.