Jeff Cotton
Jeffrey Ralph Cotton (fødd 31. mai 1948) er ein USA-amerikansk rockegitarist, kjend som medlem av Captain Beefheart and the Magic Band.[1] Cotton vart først kjend som gitarist i lag med Merrell and the Exiles, som hadde eit par lokale hittar i 1964 i Los Angeles-området. Han vart så med i Blues in a Bottle, med dei andre framtidige Magic-medlemmane Mark Boston, Bill Harkleroad og John French. Han vart henta inn i The Magic Band i 1967 som erstattar for Ry Cooder.
| Jeff Cotton | |||
| Fødd | 31. mai 1949 (75 år) | ||
|---|---|---|---|
| Fødestad | Porterville i California i USA | ||
| Fødenamn | Jeffrey Ralph Cotton | ||
| Opphav | USA | ||
| Aktiv | 1964–1975 | ||
| Sjanger | Fusion, eksperimentell | ||
| Instrument | Elektrisk gitar | ||
| Verka som | Musikar | ||
Cotton spelte slidegitar på konertane deira, og på albuma Strictly Personal, Mirror Man og Trout Mask Replica. For dette fekk han scenenamnet Antennae Jimmy Semens.Han slutta i The Magic Band i 1970 etter å ha blitt angripen av den midlertidige trommeslagaren Jeff Bruschell under ein «gruppesamtale» og braut eit ribbein, men dette var truleg berre dropen i begeret, sidan han hadde opplevd åtte månadar med øvingar for Trout Mask Replica der Beefheart eksperimenterte på gruppa med å ta frå dei søvn, mat og utøve fysisk vald for å bryte ned den mentale tilstanden deira. I 1971 gjekk han inn i bandet MU, som han spelte inn nokre album med.
Diskografi
endre- Strictly Personal (1968)
- Trout Mask Replica (1969)
- Mirror Man (1967, gjeve ut 1971)
- MU (1971)
- The Last Album (1974, gjeve ut 1981)
- Children of the Rainbow (1974, gjeve ut 1985)
Kjelder
endre- Denne artikkelen bygger på «Jeff Cotton» frå Wikipedia på engelsk, den 25. april 2020.
- Wikipedia på engelsk oppgav desse kjeldene:
- ↑ Ankeny, Jason. «Biography: Captain Beefheart». AMG. Henta 25. april 2020.