Jeger
Ein jeger er eit menneske eller eit dyr som jaktar på byttedyr, hovudsakleg for å skaffe seg mat eller andre ressursar som byttedyret måtte ha, for eksempel pelsverk.
![](http://upload.wikimedia.org/wikipedia/commons/thumb/a/a7/Egypte_louvre_321.jpg/220px-Egypte_louvre_321.jpg)
Jegerar var opphavleg både jegerar og sankarar. Denne gamle veidekulturen kom til Skandinavia med villreinen, då isen trekte seg tilbake etter siste istid. Først mykje seinare blei jegerane meir bufaste. I Norden har ein rekna samane mellom dei første jegerane som busatte seg her. Norsk institutt for kulturhistorie har dokumentert 8-9000 år gamle spor etter villreinfangst her i landet. Samisk veidekultur varte også heilt opp mot 1600-talet.
Etternamn som engelsk Hunter og tysk Jäger, på norsk og dansk Jæger, kjem frå yrkesnemninga.