Jerome Isaac Friedman
Jerome Isaac Friedman (fødd 28. mars 1930) er ein amerikansk fysikar.
| Jerome Isaac Friedman | |||
 | |||
| Fødd | 28. mars 1930 (94 år) Chicago i Illinois | ||
|---|---|---|---|
| Nasjonalitet | Amerikansk | ||
| Område | fysikk | ||
| Yrke | fysikar, universitetslærar | ||
| Institusjonar | Massachusetts Institute of Technology Universitetet i Beograd | ||
| Alma mater | Chicago | ||
| Doktorgradsrettleiar | Enrico Fermi | ||
| Kjend for | Eksperimentelle bevis for kvarker | ||
| Medlem | National Academy of Sciences American Academy of Arts and Sciences American Physical Society Academia Europaea | ||
Friedman mottok Nobelprisen i fysikk i 1990, saman med amerikanarane Richard E. Taylor og Henry Way Kendall, for «banebrytande undersøkingar om sterkt uelastisk spreiing av elektron mot proton og bundne nøytron, som spelte ei avgjerande rolle i utviklinga av kvarkmodellen innan partikkelfysikken.»[1]
Forskinga som førte til Nobelprisen vart i fellesskap utført ved Stanford Linear Accelerator Center (SLAC) ved Stanford i California. I fleire eksperiment mellom 1967 og 1973 brukte dei partikkelakseleratorar for å rette ei stråle av elektron med høg energi mot proton og nøytron. Dei fann at den måten elektrona vert spreidd ved kollisjonane indikerte at både proton og nøytron består av små elektrisk ladde partiklar. Etter kvart vart det klart at desse partiklane motsvarte kvarkane som hadde blitt foreslått av Murray Gell-Mann og George Zweig i 1964.
Friedman tok doktorgrad ved University of Chicago i 1956. Etter å ha undervist ved Stanford University, der han møtte Kendall og Taylor, flytta han til Massachusetts Institute of Technology (MIT) der han vart professor i fysikk i 1983
Kjelder
endre- ↑ «The Nobel Prize in Physics 1990», NobelPrize.org (på engelsk), henta 17. oktober 2023, «for their pioneering investigations concerning deep inelastic scattering of electrons on protons and bound neutrons, which have been of essential importance for the development of the quark model in particle physics»
- Denne artikkelen bygger på «Jerome Isaac Friedman» frå Wikipedia på bokmål, den 22. februar 2012.