Jimmy Deuchar

James Deuchar (26. juni 1930–9. september 1993) var ein skotsk jazztrompettist og storbandarrangør som var fødd i Dundee i Skotland. Han blei kjent som artist og arrangør på 1950- og 1960-talet. Deuchar fekk trompetundervising av John Lynch, som hadde lært å spela trompet som soldat i den fyrste verdskrigen, og som seinare var Director of Brass Music for Dundee.

Jimmy Deuchar
Fødd	26. juni 1930
Fødestad	Dundee
Død	9. september 1993 (63 år)
Dødsstad	Dundee
Opphav	Storbritannia
Sjanger	jazz
Instrument	trompet, Flygelhorn
Verka som	trompetist, jazzmusikar, orkesterleiar, komponist

Karriere

Etter å ha gjort teneste i National Service i Padgate i Warrington i England, arbeidde Deuchar med den britiske moderne jazzgruppa Johnny Dankworth Seven. På 1950-talet spelte han med ei rekkje kommersielle band, som Oscar Rabin Band, og også ein del med Ronnie Scott. På slutten av 1950-talet var han med i Kurt Edelhagens orkester i Tyskland.

Han vende tilbake til Storbritannia og arbeidde med Scott igjen (1960-62) og så med Tubby Hayes (1962-66). Som ein svært gåverik musikar og ein av dei fremste eksponentar for den «moderne» stilen var han etterspurd, og oppnådde suksess som turnerande musikar i Europa og USA. Han spelte òg med dei fremste amerikanske spelarane på Ronnie Scott's Jazz Club då musikalske utvekslingar blei liberaliserte på byrjinga av 1960-talet.

Deuchar vendte tilbake til Edelhagen i 1966. På 1960-talet og tidleg på 1970-talet arbeidde han òg med The Kenny Clarke-Francy Boland Big Band, med leiande europeiske og amerikanske musikarar. Kring 1971 drog han tilbake til London att, der han arbeidde freelance, og kom så heim att til Dundee på midten av 1970-talet. Han heldt fram med å arrangera, spela og gjeste i ei rekkje settingar, inkludert BBC Big Band i London og BBC Scottish Radio Orchestra i Glasgow, til helsa hans forverra seg.

Han døydde i 1993, 63 år gammal.

Diskografi

Som leiar

• Jimmy Deuchar (Discovery, 1953)
• Pal Jimmy! (Tempo 1957, re released on Jasmine, 2002)
• Pub Crawling with Jimmy Deuchar (Contemporary, 1957)
• Music in the Making (Jasmine, 2001)
• Opus de Funk (Jasmine, 2001)
• The Anglo/American/Scottish Connection (Hep, 2004)

Som gjest

Med Victor Feldman

• Suite Sixteen (Contemporary, 1955 [1958])

Med Tubby Hayes

• 1955 Swinging Giant, Vol. 1
• 1962 Late Spot at Scott's
• 1963 A Tribute: Tubbs
• 1966 Night and Day
• 2005 England's Late Jazz Great
• 2005 Live in London, Vol. 2
• 2007 The Little Giant
• 2011 Dancing in the Dark

Med Kenny Clarke/Francy Boland Big Band

• Jazz Is Universal (Atlantic, 1962)
• Handle with Care (Atlantic, 1963)
• Now Hear Our Meanin' (Columbia, 1963 [1965])
• Swing, Waltz, Swing (Philips, 1966)
• Sax No End (SABA, 1967)
• Out of the Folk Bag (Columbia, 1967)
• 17 Men and Their Music (Campi, 1967)
• All Smiles (MPS, 1968)
• Faces (MPS, 1969)
• Latin Kaleidoscope (MPS, 1969)
• Fellini 712 (MPS, 1969)
• Let's Face the Music and Dance (1969)
• Big Band Sound of Kenny Clarke & Francy Boland (1973)

Med andre

• 1961 Live at Ronnie Scott's, Zoot Sims
• 1965 Now Hear Our Meanin' , Kenny Clarke
• 1966 Sound Venture, Georgie Fame/Harry South Big Band
• 1967 Fire, Heat, Soul and Guts, Kenny Clarke
• 1968 Trip to the Mars, Orchester Roland Kovac
• 1969 Ray Warleigh's First Album, Ray Warleigh
• 1970 Midnight Mood, Mark Murphy
• 1986 Live at Fulham Town Hall, Charlie Watts
• 1989 Roarin' , Jack Sharpe
• 2004 Swing Revisited, Johnny Keating
• 2007 An Ace Face, Allen Eager

Kjelder

• Denne artikkelen bygger på «Jimmy Deuchar» frå Wikipedia på engelsk, den 28. august 2023.

Litteratur

• John Chilton, Who's Who of British Jazz, Cassell, London, 1997, ISBN 9780304339099
• Carr, Fairweather & Priestley, Jazz - the Essential Companion, Grafton Books, London, 1987, ISBN 978-0135092743