Jo Inge Bjørnebye
norsk skihoppar
Jo Inge Bjørnebye (31. oktober 1946–24. mars 2013) var ein norsk skihoppar. Han kom frå Våler og representerte Våler Idrettsforening.
| Jo Inge Bjørnebye | |
| Statsborgarskap | Noreg |
| Fødd | 31. oktober 1946 Våler kommune |
| Død | |
| Idrett | skihopping |
| Tok del i | |
Bjørnebye var mellom dei beste norske hopparane i tida 1966-73, og deltok i OL i 1968 og 1972. I begge leikane hamna han langt nede på resultatlistene. Derimot hevda han seg godt under verdsmeisterskapen på ski i 1970. Etter å ha vorte nummer 11 i normalbakken, kom han på sjuandeplass i storbakkerennet og vart beste nordmann i tevlinga. I den tysk-austerrikske hoppveka var hans beste plassering ein fjerdeplass i Garmisch-Partenkirchen 1. januar 1971, landsmannen Ingolf Mork vann rennet. Samanlagt i hoppveka 1970/71 vart Bjørnebye nummer 6.
Han var far til Stig Inge Bjørnebye.
Besteplasseringar i internasjonale meisterskap og renn endre
- 1967: Nr 14 i Holmenkollen
- 1969: Nr 9 i Holmenkollen
- 1970: Nr 7 i storbakken under Ski-VM i Štrbské pleso
- 1971: Nr 5 i Svenska skidspelen i Falun
- 1972: Nr 11 i Svenska skidspelen i Lycksele
Besteplasseringar i noregsmeisterskap endre
- Ski-NM 1966: Nr 8 i storbakken på Rena
- Ski-NM 1969: Nr 4 i normalbakken på Raufoss
- Ski-NM 1970: Nr 4 i normalbakken i Trondheim
- Ski-NM 1971: Nr 5 i storbakken i Bærum
- Ski-NM 1972: Nr 7 i normalbakken i Trondheim
- Ski-NM 1973: Nr 12 i normalbakken i Vang
Kjelde endre
- Sportsboken, aktuelle årgangar