Johfiyeh

Johfiyah, Johfiyeh, Juhfiyah eller Juhfiyeh (arabisk جُحفية) er ein historisk og arkeologisk landsby nord i Jordan, 80 kilometer nord for hovudstaden Amman, kring 7,5 km sørvest for byen Irbid (Arabialla). Han har kring 4000 innbyggjarar.

Johfiyeh
جحفية
landsby
Land	Jordan
Guvernement	Irbid guvernement
Høgd	794 moh.
Koordinatar	32°29′21″N 35°49′35″E
Areal	4 km²
Folketal	4 000  (2008)
Folketettleik	1 000 / km²
Grunnlagd	3000 fvt.
Retningsnummer	+(962)2
Johfiyeh 32.489166666667°N 35.826388888889°E / 32.489166666667; 35.826388888889
Kart som viser Johfiyeh. Kart som viser Johfiyeh.
Wikimedia Commons: Johfiyeh
Nettstad: http://www.irbid.gov.jo/

Historie

Flint-dolmen i Johfiyeh i Jordan.

Den vesle landsbyen har vore busett frå steinalderen til Det osmanske riket, og var ein av dei store byområda fram til dei ti romerske festningsbyane Dekapolis oppstod i romartida. Ein trur at dei fleste av dei historiske ruinane og bygningane kollapsa i eit jordskjelv som råka regionen i 747 evt. og i jordskjelv som følgde seinare.

Johfiyah ligg strategisk til på ein ås oppom fjellsletta Hauran, med utsyn mot Golanhøgdene, fjellet Hermon og Genesaretsjøen, i tillegg til foten av fjella i Ajloun i sør.

Under omajadane, trur ein at dei omajadiske herskarane kom til Johfiyeh for å jakte i den vene naturen. Ein har funne mange glastøy og keramikk frå omajadane i området.

Johfiyeh vart mindre viktig etter at senteret av det islamske kalifatet vart flytta til Bagdad.

Johfiyeh er nemnt i osmanske skattelister, som tyder at han framleis var busett fram til våre dagar.

Monument og arkeologiske funn

Flint-dolmen i Johfiyeh i Jordan.

• Tell Johfiyeh
• Den gamle moskeen
• Den bysantinske kyrkja
• Dolmen: Det er mange døme på flint-dolmenar i Johfiyeh og Natifah
• Assieh
• Al Bateen
• Kherbet Hufa
• Umisrareh
• Rojmelaries

Kjelder

• Denne artikkelen bygger på «Johfiyeh» frå Wikipedia på engelsk, den 5. oktober 2015.
  • Wikipedia på engelsk oppgav desse kjeldene: