John Ljunggren
John Artur Ljunggren (9. september 1919–13. januar 2000) var ein svensk kappgjengar frå Forsheda som vart europameister 1946 og olympisk meister 1948 i 50 km kappgang. Han vann elles sølv og bronse i same øvinga under Sommar-OL 1960 og 1956, i tillegg til EM-sølv i 1950.
| John Ljunggren | |
|
| |
| Statsborgarskap | Sverige |
| Fødd | 9. september 1919 Forsheda |
| Død | 13. januar 2000 (80 år) Voxtorps församling, Östbo-Västbo kontrakt |
| Idrett | friidrett |
| Tok del i | Sommar-OL 1948, Sommar-OL 1952, Sommar-OL 1956, Sommar-OL 1960, Sommar-OL 1964 |
Aktiv
endre
Ljunggren gjekk mykje som barn. Som kappgjengar vart han kjend for sin gang-teknikk, og vart aldri diskvalifisert frå nokon av dei 499 tevlingane deltok i. Nasjonalt deltok han også i sykling, orientering, terrengløp og langrenn.
Ljunggren var van med heitt, men ikkje kjølig vêr, så då OL-tevlinga i Helsinki i 1952 gjekk i kjølig sommarregn fekk han krampe og enda på niandeplass. Kort før målgang under Sommar-OL 1960 i Roma auste ein velmeinande funksjonær ei bøtte isvatn over han, Ljunggren fekk så krampe og vart andremann. Under dei olympiske sommarleikane 1956 i Melbourne gjekk han inn til bronse, trass i ei sår-infisert tå.
Ljunggren var kristen og skal ha sagt at «idrotten har givit mig allt utom pengar!». Han døydde i Voxtorps församling i Värnamo kommune, 80 år gammal.
Medaljar og plasseringar i internasjonale meisterskap
endre- EM 1946 i Oslo: Gullmedalje på 50 km - 4.38.20, framom Henry Forbes (4.42.58)
- OL 1948 i London: Gullmedalje på 50 km - 4.41.52, framom Gaston Godel (4.48.17)
- EM 1950 i Brussel: Sølvmedalje på 50 km - 4.43.25, bakom Giuseppe Dordoni (4.40.42)
- OL 1952 i Helsinki: Nr 9 på 50 km - 4.43.45
- EM 1954 i Bern: Nr 4 på 50 km - 4.38.09
- OL 1956 i Melbourne: Bronsemedalje på 50 km - 4.35.02. Nr 4 på 20 km - 1.32.24
- EM 1958 i Stockholm: Nr 9 på 50 km - 4.42.40
- OL 1960 i Roma: Sølvmedalje på 50 km - 4.25.47, bakom Don Thompson (4.25.30). Nr 7 på 20 km - 1.37.59
- EM 1962 i Beograd: Nr 5 på 50 km - 4.30.19
- OL 1964 i Tokyo: Nr 16 på 50 km - 4.29.09. Nr 19 på 20 km - 1.37.03
Kjelder
endre- Denne artikkelen bygger på «John Ljunggren» frå Wikipedia på svensk, den 23. august 2016.
- Denne artikkelen bygger på «John Ljunggren» frå Wikipedia på engelsk, den 23. august 2016.
Bakgrunnsstoff
endre- «John Ljunggren» (på engelsk). Olympedia. Henta 5. mars 2023.