Jorun Thørring
Jorun Thørring (fødd 14. mai 1955 i Tromsø) er ein norsk gynekolog og forfattar, no busett i Melhus kommune. Ho budde tre år i Paris, der handlinga i den fyrste boka hennar er lagt. Thørring har òg studert fransk.
| Jorun Thørring | |
| Statsborgarskap | Noreg |
| Fødd | 14. mai 1955 (68 år) Tromsø kommune |
| Yrke | skribent, gynekolog, lege |
I den fyrste boka hennar, Skyggemannen, vert ein ung mann drepen i ein leigegard i Paris, og Orla Os, opphavleg frå Vesterålen, men no rettsmedisinar og spesialetterforskar i Frankrike, og kollegaene hennar må finne ut kva som har hendt. Året etter, i 2006, kom ho med boka Glassdukkene. I denne boka følgjer ein ein annan hovudperson, samen Aslak Eira ved Tromsø politikammer. I Tarantellen frå 2007 vende Thørring tilbake til Paris og Orla Os.
Alle bøkene hennar er vorte godt mottekne av kritikarane, og rettane til fleire av dei er selde til mellom andre Sverige, Danmark og Tyskland.
Bibliografi endre
- Skyggemannen (2005, Aschehoug)
- Glassdukkene (2006, Aschehoug)
- Tarantellen (2007, Aschehoug)
- Ildens øye (2009, Aschehoug)
Priser endre
- Havmannprisen 2007, for Tarantellen