Julius Hougen
Julius Hougen (fødd 7. november 1906 i Kristiansand, daud 19. desember 1993) var ein norsk jurist og radiojournalist. Han var programredaktør og leiar for NRKs avdelingskontor i Kristiansand 1967–1976. Han er kjend som «stemmen frå Sørlandet».[1]
| Julius Hougen | |
 | |
| Statsborgarskap | Noreg |
| Fødd | 7. november 1906 Kristiansand kommune |
| Død |
19. desember 1993 (87 år) |
| Yrke | journalist |
| Språk | norsk |
Bakgrunn endre
Hougen tok juridisk embetseksamen i Oslo i 1930. Då Kringkastingsselskapet opna sørlandskontor same år, vart han ein av dei få medarbeiderne der. Noko år seinare vart han leiar for kontoret, samstundes som han var dommarfullmektig. I 1933 overtok NRK kontoret, og Hougen heldt fram tilknyttinga si til radioen, kombinert med ymse stillingar i politiet.[2]
Under andre verdskrigen var Hougen aktiv i motstandsrørsla gjennom Kampgruppe 3 under leiing av Arne Laudal. Då gruppa vart sprengt mot slutten av 1942, hamna Hougen på Grini, først på dødscelle, seinare i vanleg fangenskap fram til januar 1945.
Etter krigen jobba han ei tid ved NRK i Oslo. Blant anna rapporterte han då kong Haakon VIIs kom tilbake til hovudstaden 7. juni 1945. Hougen vende likevel snart attende til heimbyen. Der verka han ved distriktskontoret fram til pensjonsalderen, først som programsekretær, seinare som sjef. Han var kjend for sin levande reportasjestil og for si evne til å koma innpå menneske frå alle lag. Han gjekk under namnet «stemmen frå Sørlandet».
Hougen var aktiv i det norske visemiljøet, mellom anna som ein av initiativtakarane til Visens venner Han redigerte visebøker og skreiv og komponerte ein del songar. Han er òg kjend som underhaldningsartist, mellom anna under aliaset «pensjonist Tobias Tønnesen», saman med Odd Børretzen.[3][4]
Referansar endre
- ↑ NRK. «Sørlandets helter». NRK (på norsk bokmål). Henta 15. januar 2018.
- ↑ Aukland, Lodin (28. september 2014). «Julius Hougen». Norsk biografisk leksikon (på norsk). Henta 15. januar 2018.
- ↑ «Pensjonistene | Odd Børretzen & Julius Hougen | Dikt | Tylden & Co. AS». tylden.no (på norsk bokmål).
- ↑ NRK. «Gyldne gjenhør». NRK (på norsk bokmål). Henta 15. januar 2018.
- Denne artikkelen bygger på «Julius Hougen» frå Wikipedia på bokmål, den 21. september 2018.