K.K. Downing
Kenneth «K. K.» Downing jr. (fødd 27. oktober 1951) er ein engelsk gitarist, låtskrivar og opphavleg medlem av det britiske heavy metal-bandet Judas Priest.
| K.K. Downing | |||
 Downing med Judas Priest i 1984. | |||
| Fødd | 27. oktober 1951 (73 år) | ||
|---|---|---|---|
| Fødestad | West Bromwich i Staffordshire i England | ||
| Fødenamn | Kenneth Downing jr.. | ||
| Alias | K. K. Downing | ||
| Opphav | Storbritannia | ||
| Aktiv | 1968–2011, 2012 | ||
| Sjanger | Heavy metal, speed metal, hardrock | ||
| Instrument | Gitar | ||
| Kjende instrument | Gibson Flying V Hamer KK Downing Signature model Fender Stratocaster | ||
| Tilknytte artistar | Judas Priest | ||
| Plateselskap | Columbia | ||
| Verka som | Musikar, låtskrivar | ||
Biografi
endreDowning var fødd i West Bromwich. Han vart kasta ut heimefrå då han var 15 år, og droppa ut av skulen kort tid etter.[1] Seint i 1960-åra oppdaga Downing rocken og gitaren. Han var i hovudsak ein sjølvlærd gitarist.[2] Han var kraftig påverka av Jimi Hendrix og prøvde å etterlikne spelestilen hans.[2] Innspelingar som påverka Downing som musikar var mellom anna «Are You Experienced», «Axis Bold As Love» og «Electric Ladyland» av Jimi Hendrix, «A Hard Road» av John Mayall & the Bluesbreakers og «Fresh Cream» av Cream.[3] Downing spelte på alle Judas Priest-albuma frå Rocka Rolla til A Touch of Evil: Live.
Downing starta i det første bandet sitt då han var 17-18 år gammal i lag med tremenningen Brian Badhams på bassgitar (no i The Elkie Brooks Band) og trommeslagaren Martin Philips. Trioen spelte hovudsakleg eit par Cream-låtar og 12-taktsblues. Downing spelte gitar med bandet etter å ha vunne eit myntkast med Badham om kven om skulle spele gitar og bass.[2]
Før han vart med i Judas Priest gjekk Downing på kokkeskule og gjekk i kokkelære ved Lyttelton Arms i Hagley.[4]
Downing var kjend for dei aggressive rockegitarsoloane sine og den doble sologitarspelinga i lag med den andre Judas Priest-gitaristen Glenn Tipton.[5] Sjølv om dei to ofte byta roller, var Downing ofte rytmegitarist, medan Tipton spelte gitarsoloane. Frå Stained Class og framover vart Tipton den satid meir dominerande låtskrivaren i Judas Priest, særleg på dei meir kommersielle songane, og Downing fekk ei mindre rolle i bandet.
Downing slutta offisielt i Judas Priest den 20. april 2011 etter at han kom på kant med resten av bandet. Richie Faulkner erstatta Downing.
Kjelder
endre- Denne artikkelen bygger på «K.K. Downing» frå Wikipedia på engelsk, den 10. september 2016.
- Wikipedia på engelsk oppgav desse kjeldene:
- ↑ «Biography». Arkivert frå originalen 6. oktober 2014. Henta 10. september 2016.
- ↑ 2,0 2,1 2,2 «K.K. Downing Interview». Guitarhoo!. Guitarhoo.com. 5 December 2012. Arkivert frå originalen 23. oktober 2017. Henta 10. september 2016.
- ↑ «K.K. Downing Interview – Fave 5 Reviews». Gitarhoo!. Gitarhoo.com. 17 December 2012. Henta 10. september 2016.[daud lenkje]
- ↑ Matt Cooper and Dave Tindall (3 November 2009). «interview with KK Downing». Golf365. Henta 10. september 2016.
- ↑ Judas Priest Info Pages – K.K. – Glenn Profile, arkivert frå originalen 14. september 2008, henta 10. september 2016