KNM «Harald Hårfagre»
KNM Harald Haarfagre (òg kjend som Madlaleiren) er ein felles rekruttskule for Sjøforsvaret og Luftforsvaret i Madla utanfor Stavanger. Rekruttane er på skulen i sju veker før dei vert sendt vidare til andre tenestestader som utskrivne meinige eller flysoldatar. KNM Harald Haarfagre har namnet sitt etter den tidlegare norske kongen Harald Hårfagre.
| KNM «Harald Hårfagre» | |||
 bilete: Jarle Vines | |||
| Org.form | Organisasjonsledd | ||
|---|---|---|---|
| Grunnlagd | 2005 | ||
| Kommune | Stavanger kommune | ||
| Nettstad | https://www.forsvaret.no/om-forsvaret/tjenestesteder/madla | ||
 KNM «Harald Hårfagre» 58°56′44″N 5°40′05″E / 58.94544306°N 5.668066°E | |||
Ved KNM Harald Haarfagre låg Sjøforsvaret sitt UB-kurs, som var spesielt retta mot å utdanne befal som skal vere instruktørar på rekruttskulen. Sjølve kurset tok seks månadar, og var fylgd av seks ytterlegare månadar som kvartermeister-aspirant og rekruttskuleinstruktør. Ved fullført 12 månadar utdanning vart dei dimmitert som kvartermeister. Sjøforsvarets befalskule vart lagd ned sumaren 2018.[1]
I over 60 år var det ein tradisjon at folkesetnaden i området feira 17.mai i leiren. I 2020 vart det slutt på denne tradisjonen, med grunngjevinga at ein måtte fokusere på å trene og utdanne rekruttar til å verte gode soldatar til forsvar av Noreg.[2]
Kjelder
endre- ↑ «Befalsskolen på Madla forsvinner: Samler befalskolene på Østlandet», www.aftenbladet.no (på norsk bokmål), henta 21. september 2022
- ↑ «Slutt på 17. mai i Madlaleiren», www.aftenbladet.no (på norsk bokmål), henta 21. september 2022
