Kamil Stoch

Kamil Wiktor Stoch (fødd 25. mai 1987) er ein polsk skihoppar frå Zakopane. Han vart verdsmester i skihopp i storbakken under ski-VM 2013 i Val di Fiemme.

Kamil Stoch
Statsborgarskap	Polen
Fødd	25. mai 1987 (36 år) Zakopane
Idrett	skihopping
Tok del i	Vinter-OL 2006, Vinter-OL 2010, Skihopping under Vinter-OL 2014 – Normalbakke menn, Skihopping under Vinter-OL 2014 – Stor bakke menn, Vinter-OL 2018
Utmerkingar	Odznaka Honorowa Województwa Małopolskiego - Krzyż Małopolski, Polish Sportspersonality of the Year, Polish Sportspersonality of the Year, ridder av ordenen Polonia Restituta, offiser av Ordenen Polonia Restituta

Kamil Stoch i 2014

Aktiv

Stoch debuterte i verdscupen 17. januar 2004 i heimbyen Zakopane, men kom ikkje til finaleomgangen. Den 11. februar 2005 fekk han sine første verdscupoeng då han vart nummer sju i Pragelato. Stoch deltok i sitt fyrste store ski-meisterskap i VM 2005 i Oberstdorf, der han var med på det polske hopplaget som vart nummer seks i lagkonkurransen.

Under vinter-OL 2006 i Torino vart han nummer 16 i normalbakken og nummer 26 i storbakken. Tre år seinare, i Ski-VM 2009 i Liberec hoppa Stoch seg til ein fjerdeplass i normalbakken, og var dessutan med på det polske laget som kom på fjerdeplass i lagtevlinga.

Stoch lyktest lite i 2010-sesongen, under Vinter-OL 2010 i Vancouver vart han som best nummer 14 i storbakken. Han var elles med på det polske laget som kom på sjetteplass i lagkonkurransen. Same sesongen vart Stoch nummer 16 i VM i skiflyging i Planica.

Vinteren 2011 fekk Stoch sitt store gjennombrot. Han vann verdscuprennet i Zakopane 23. januar, i eit renn den fremste poslke skihopparen, Adam Małysz, vart skadd. Seinare i sesongen vann han også eit renn i Klingenthal. Under Ski-VM 2011 i Holmenkollen vart han nummer 6 i normalbakken og var med på Polens lag som høvesvis vart nummer fire i lagtevlinga i normalbakken og nummer fem i storbakken. Stoch vann i Planica det siste verdscuprennet for sesongen, og kom samanlagt på tiandeplass i verdscupen.

I 2012-sesongen befesta Stoch sin posisjon i verdseliten i skihopping. Totalt gjennom sesongen kom han på femteplass i kampen FIS-pokalen i skihopping, etter mellom anna to sigrar, den fyrste i heimbyen Zakopane og den andre i Val di Fiemme, den eine av dei to hoppbakkane der det året etter vart arrangert verdsmeisterskap på ski.

Etter ein svak start start på 2013-sesongen, kom Stoch tilbake og vart verdsmeister i storbakken under Ski-VM 2013 i Val di Fiemme. Til sist i same meisterskapen var han sterkt delaktig då Polen fekk bronsemedaljen i lagtevlinga, den fyrste medaljen for Polen i ein lagkonkurranse.

Verdscupsigrar

Nr.	Dato	Stad	Land
1.	23. januar 2011	Zakopane	Polen
2.	2. februar 2011	Klingenthal	Tyskland
3.	20. mars 2011	Planica	Slovenia
4.	20. januar 2012	Zakopane	Polen
5.	5. februar 2012	Val di Fiemme	Italia
6.	12. mars 2013	Kuopio	Finland
7.	15. mars 2013	Trondheim	Noreg

Bakgrunnsstoff

• (en) Kamil Stoch – Profil og resultatoversikt hos FIS