Kastanjetannvaktel

Kastanjetannvaktel
Kastanjetannvaktel Foto: Francesco Veronesi
Utbreiing og status
Status i verda: Livskraftig Utbreiinga av Kastanjetannvaktel
Systematikk
Underrekkje:	Virveldyr Vertebrata
Megaklasse:	Beinfiskar Osteichthyes
Overklasse:	Tetrapodar Tetrapoda
Klasse:	Fuglar Aves
Orden:	Hønsefuglar Galliformes
Familie:	Tannvaktelfamilien Odontophoridae
Slekt:	Odontophorus
Art:	Kastanjetannvaktel O. hyperythrus
Vitskapleg namn
Odontophorus hyperythrus Gould, 1858

Kastanjetannvaktel (Odontophorus hyperythrus) er ein bakkelevande fugl i tannvaktelfamilien og er endemisk for Colombia med utbreiing i sentrale og vestre del av Andesfjella i Colombia.

Skildring

Kastanjetannvaktlar er 25 til 29 centimeter i kroppslengd og kan vege i området 350 til 390 gram, der hannfuglar er tyngst. Fjørdrakta er i det store kastansjebrun, men med mørk brun overside og svarte sjatteringar. Rundt auga og øyra er fjørene grå til kvite. Nebbet er svart, beina lysare grå og kan ha blåleg tone. Arten syner kjønnsdimorfisme i fjørdrakta ved at hofulgar har meir grått, bryst og buk har mørk gråleg farge, men strupeområdet er som hos hannar.

Det naturlege habitatet for denne tannvaktelen er høgtliggande, subtropiske skogar, i høgder på 1600-2800 moh.

Kastanjetannvaktlar søkjer føde i nedfallslauv på bakken og tar bær og frø. Dei kan opptre i grupper på opptil 9 individ og er mest sannsynleg standfuglar. Forplantingsbiologien er lite kjent. Ein trur fuglar av denne arten kan legge egga i april til mai månad.

Kastanjetannvaktelbestanden er estimert til ca. 3 500-15 000 individ totalt og er trudd å vere minkande.

Kjelder

• Carroll, J. P. & Kirwan, G. M. (1994). Chestnut Wood-Quail (Odontophorus hyperythrus) In: del Hoyo, J., Elliott, A., Sargatal, J., Christie, D.A. & de Juana, E. (eds.) (2014). Handbook of the Birds of the World Alive. Lynx Edicions, Barcelona. Henta den 12. april 2015
• BirdLife International (2015) Species factsheet: Odontophorus hyperythrus Arkivert 2015-09-24 ved Wayback Machine.. Henta frå http://www.birdlife.org den 12. april 2015

Referansar

Bakgrunnsstoff

Wikimedia Commons har multimedia som gjeld: Kastanjetannvaktel